فرانسيانىڭ ىشكى ىستەر ءمينيسترى لوران نۋنەس ەلدەگى ورمان ورتتەرىنىڭ اۋماعى 115 مىڭ گەكتارعا جەتىپ، بۇرىنعى 98 مىڭ گەكتارلىق رەكوردتان اسىپ تۇسكەنىن حابارلادى. بۇل تۋرالى infohub.kz سايتى مالىمدەدى.
بيىلعى جىلى فرانسيادا انومالدى ىستىق سالدارىنان ءىرى ورمان ورتتەرى ورىن الدى. پرەزيدەنت ەممانۋەل ماكروننىڭ ايتۋىنشا، ەل ەكىنشى دۇنيەجۇزىلىك سوعىستان بەرى ەڭ كوپ تابيعي ورتكە تاپ بولعان.
بۇعان دەيىن فرانسيا بيلىگى وڭتۇستىك-باتىس جاعالاۋداعى كاپ-فەررە مۇيىسىنەن تۇرعىنداردى تولىق ەۆاكۋاسيالاۋ تۋرالى بۇيرىق بەرگەنى حابارلانعان بولاتىن. ونداعان مىڭ تۇرعىن مەن ءتۋريستىڭ قاۋىپ-قاتەرگە ۇشىراۋى مۇمكىن ەدى. ءىرى ورتتەر يسپانيانى دا شارپىدى، ال ماكرون باسقا مەملەكەتتەردىڭ باسشىلارىنا كومەك سۇراپ جۇگىندى.