فرانسيادا اسقاباق تۇقىمداستارىن تۇتىنۋعا بايلانىستى سالمونەللەز ىندەتى تىركەلدى. مامىر مەن تامىز ارالىعىندا ەلدىڭ ءارتۇرلى ايماقتارىنىڭ ونداعان تۇرعىنى ءقاۋىپتى ىشەك ينفەكسياسىن جۇقتىردى، دەپ حابارلايدى infohub.kz.
Reuters اگەنتتىگىنىڭ فرانسيا دەنساۋلىق ساقتاۋ مينيسترلىگىنە سىلتەمە جاساۋىنشا، ءۇش اي ىشىندە سالمونەللەزبەن 81 ادام اۋىرعان، ونىڭ التاۋى اۋرۋدىڭ اۋىر اعىمىنا بايلانىستى اۋرۋحاناعا جات قىزىلعان. ءقازىر ولاردىڭ جاعدايى تۇراقتالىپ، ناۋقاستار اۋرۋحانادان شىعارىلعان.
ەپيدەميولوگيالىق تەرگەۋ بارىسىندا جۇقتىرۋ كوزى فرانسيانىڭ وڭتۇستىك-باتىسىنداعى تاماق ونەركاسىبى كومپانياسى وڭدەگەن اسقاباق تۇقىمداستارى بولعانى انىقتالدى. ءونىم Grand Frais قوسا العاندا، بىرنەشە بولشەك ساۋدا جەلىلەرىنە جەتكىزىلگەن. جۇقتىرۋ كوزى انىقتالعاننان كەيىن بۇكىل پارتيا ساتىلىمنان الىندى.
سالمونەللالار — سالمونەللەزدى تۋدىراتىن تاياقشا ءتارىزدى باكتەريالار توبى، بۇل كەڭ تارالعان تاعامدىق ۋلانۋ. تيپتىك بەلگىلەرگە ديارەيا، قىزبا جانە ءىشتىڭ اۋىرۋى جاتادى.
بۇعان دەيىن «كۋرسيۆ» بەلگيا مەن ليۋكسەمبۋرگتە Laerco BV كومپانياسىنىڭ جۇمىرتقالارى جۇزدەگەن ساتىپ الۋشىلاردىڭ سالمونەللەزبەن جاپپاي ۋلانۋىنا بايلانىستى ساتىلىمنان الىنعانىن حابارلاعان. بەلگيالىق قۇس فابريكاسىنداعى ىندەت كەمىندە 306 ادامنىڭ جۇقتىرۋىنا اكەلدى.
ەسكە سالايىق، وتكەن جىلى ەۋروپالىق وداقتا يتاليادان اكەلىنگەن جوڭىشقا تۇقىمدارىنا بايلانىستى سالمونەللەز ىندەتى تىركەلگەن ەدى. سول كەزدە ەكى جىل ىشىندە ينفەكسيا ەۋروپانىڭ توعىز ەلىندە 509 ادامدى جۇقتىرعان.