فرانسيانىڭ دەنساۋلىق ساقتاۋ مينيسترلىگى جازعى ماۋسىمنىڭ قورىتىندىسىن شىعاردى: انومالدى ىستىق 7 مىڭنان استام ادامنىڭ ولىمىنە سەبەپ بولدى. بۇل تۋرالى infohub.kz سايتى حابارلايدى.
فرانسيانىڭ دەنساۋلىق ساقتاۋ ءمينيسترى ستەفاني ءريستتىڭ مالىمدەۋىنشە، شىلدە ايىنىڭ سوڭىنا قاراي ەلدە بىرنەشە ىستىق تولقىنىنا بايلانىستى 7 مىڭ ادامنىڭ ارتىق ءولىمى تىركەلگەن. ول تەلەارنا ەفيرىندە ەلدىڭ دەنساۋلىق ساقتاۋ جۇيەسى جۇكتەمەگە توتەپ بەرىپ جاتقانىن، الايدا جوعارى تەمپەراتۋرانىڭ قۇربانى بولىپ نەگىزىنەن ءىرى قالالاردا تۇراتىن جالعىزباستى ادامدار قالىپ جاتقانىن اتاپ ءوتتى.
مينيستر سونىمەن قاتار ەلەۋلى سالدارعا قاراماستان، فرانسياداعى ءولىم كورسەتكىشى گەرمانياداعىدان تومەن ەكەنىن ايتتى. بۇعان دەيىن ب ا ق ەۋروپادا بيىلعى جازدا انومالدى ىستىقتان كەمىندە 35 مىڭ ادام قازا بولۋى مۇمكىن دەپ حابارلاعان ەدى.