قازان ايىندا لوندوندا Queen توبىنىڭ اتى اڭىزعا اينالعان ءانشىسى فرەددي مەركيۋريدىڭ جەكە زاتتارى، ونىڭ ىشىندە رويال، ميكروفون جانە اندەرىنىڭ قولجازبا جوبالارى ساتىلاتىن اۋكسيون وتەدى، دەپ حابارلايدى infohub.kz سايتى.
Queen-مەن ۇنەمى ىنتىماقتاستىقتا بولعان نەمىس پروديۋسەرى راينحولد ماك پەن ونىڭ ۇلى، ءانشىنىڭ جالعىز شاكىرتى فرەددي ماك 82 لوتتان تۇراتىن مۇراعاتتان ايىرىلۋدى ۇيعاردى. كوللەكسيانىڭ باستى لوتى — ميۋنحەندەگى Musicland ستۋدياسىنداعى Yamaha C3 Grand Piano ءرويالى. ءدال وسى اسپاپتا مەركيۋري ءوزىنىڭ سولدىك پارتيالارىن جانە Crazy Little Thing Called Love قوسا العاندا، توپتىڭ اتى اڭىزعا اينالعان حيتتەرىن شىعارعان. بۇل رويالدە ءار ۋاقىتتا لەونارد كوەن، The Rolling Stones، Deep Purple، Black Sabbath جانە Led Zeppelin سياقتى تانىمال تۇلعالار ويناعان. اسپاپتىڭ بولجامدى قۇنى 200-400 مىڭ فۋنت ستەرلينگتى قۇرايدى.
سونداي-اق، مەركيۋريدىڭ ۆوكالىن جازۋ ءۇشىن قولدانىلعان AKG C414 EB ميكروفونى دا ساتىلادى. لوتقا ءتۇپنۇسقا قابى جانە كابەل كىرەدى، باعاسى 40-80 مىڭ فۋنتقا باعالانۋدا. جوبالار اراسىندا ءانشىنىڭ Mr. Bad Guy دەبيۋتتىك سولدىك البومىنداعى My Love Is Dangerous جانە Let's Turn It On كومپوزيسيالارىنىڭ العاشقى نۇسقالارى بار. ساۋدا-ساتتىق 1 جانە 2 قازاندا وتەدى.