Freedom بانكى قازاقستان رەسپۋبليكاسى ۇلتتىق بانكىنىڭ انتيفرود-ورتالىعىنىڭ ەكى ماراپاتىنا بىردەن يە بولدى. بيىل قارجى ۇيىمى «جىلدىڭ انتيفرود-سەرىكتەسى» جانە «انتيفرود-ورتالىعىن دامىتۋعا قوسقان ۇلەسى» نوميناسيالارىندا ۇزدىك دەپ تانىلدى. بۇل ماراپاتتار قارجىلىق الاياقتىققا قارسى تۇرۋ تەتىكتەرىن قۇرۋ مەن جەتىلدىرۋگە بەلسەنە قاتىسقانى ءۇشىن بەرىلدى. بيىل بارلىعى ءتورت نوميناسيا جاريالانعان، سونىڭ ەكەۋى Freedom-گە بۇيىردى، دەپ حابارلايدى infohub.kz سايتى.
وسىلايشا، بانكتىڭ قورجىنىندا انتيفرود-ورتالىعىنان العان ءۇش ماراپات جينالدى. ايتا كەتەيىك، بىلتىر Freedom «جىلدىڭ قايتارىمى» نوميناسياسىندا ۇزدىك دەپ تانىلعان بولاتىن.
ماراپاتتار Central Asia Fintech Summit 2026 اياسىنداعى سالتاناتتى راسىمدە تابىس ەتىلدى. ولاردى قازاقستان رەسپۋبليكاسى ۇلتتىق بانكى ءتوراعاسىنىڭ ورىنباسارى بينۋر جالەنوۆ، قازاقستان ۇلتتىق تولەم كورپوراسياسى باسقارماسىنىڭ ءتوراعاسى جانار ساماەۆا جانە Verigram كومپانياسىنىڭ نەگىزىن قالاۋشى اسانالي بايعوجين تاپسىردى.
«بۇل ماراپاتتار ءبىز ءۇشىن ەرەكشە ماڭىزدى، ويتكەنى ولار كليەنتتەردى قورعاۋ جۇيەمىز جەكەلەگەن تۇستاردا ەمەس، جۇيەلى تۇردە جانە ءتۇرلى باعىتتا جۇمىس ىستەيتىنىن كورسەتەدى. بۇگىندە بانكىمىزدىڭ ىشىندەگى انتيفرود — مىنەز-ق ۇلىقتى تالداۋ، ML-مودەلدەر، جاساندى ينتەللەكت، گرافتىق تالداۋ جانە جەدەل دەن قويۋ بار كەشەندى جۇيە. ءبىز كليەنتتەردىڭ ءتان ەمەس مىنەز-قۇلقىن ەرتە انىقتاۋ تەحنولوگيالارىن ەرەكشە دامىتىپ كەلەمىز، ال گرافتىق تالداۋ ءوزارا بايلانىستاردى تاۋىپ، الاياقتىقتىڭ تۇتاس تىزبەكتەرىن اشكەرەلەۋگە كومەكتەسەدى»، — دەدى Freedom بانكى ديرەكتورلار كەڭەسىنىڭ مۇشەسى ايدوس جۇماعۇلوۆ.
ماراپاتتىڭ ماڭىزىن ۇلتتىق تولەم كورپوراسياسى باسقارماسىنىڭ ءتوراعاسى جانار ساماەۆا دا اتاپ ءوتتى:
«Freedom بانكى ەكىنشى جىل قاتارىنان ءبىزدىڭ نومينانتىمىز بولىپ وتىر. ءتۇرلى كورسەتكىشتەر بويىنشا تۇراقتى جوعارى ناتيجە كورسەتۋ بانكتىڭ انتيفرود-ينفراقۇرىلىمىنىڭ جەتىلگەنىن، كومانداسىنىڭ جەدەلدىگىن، پروسەستەرىنىڭ دالدىگىن جانە ەنگىزىلگەن تەحنولوگيالاردىڭ جوعارى دەڭگەيىن راستايدى. ءدال وسىنداي كەشەندى ءتاسىل كليەنتتەردىڭ اقشاسىنا ناقتى قاۋىپسىزدىك قامتاماسىز ەتەدى».
ق ر ۇب انتيفرود-ورتالىعى — قازاقستان رەسپۋبليكاسىنىڭ ۇلتتىق بانكى الاياقتىق ترانزاكسيالارمەن كۇرەسۋ ءۇشىن ىسكە قوسقان جۇيە. ونىڭ نەگىزگى مىندەتى — كۇدىكتى ترانزاكسيالار تۋرالى دەرەكتەردى جيناپ، تالداۋ ارقىلى الاياقتىقتى ناقتى ۋاقىت رەجيمىندە انىقتاۋ، بۇعاتتاۋ جانە الدىن الۋ.
«فريدوم بانك كازاحستان» اق — قازاقستان اۋماعىندا Freedom ساۋدا ماركاسىمەن جۇمىس ىستەيتىن يننوۆاسيالىق بانك. بانك جەكە جانە زاڭدى تۇلعالارعا سيفرلىق قارجى ونىمدەرى مەن قىزمەتتەرىن ۇسىنادى. يپوتەكالىق قارىز الۋدى، اۆتوكرەديت پەن بيزنەسكە ارنالعان كرەديتتەردى سيفرلاندىردى. سونداي-اق قازاقستاندا تۇڭعىش INVEST CARD ينۆەستور كارتاسىن جانە تاعى باسقا ءبىرقاتار سيفرلىق كارتالاردى شىعاردى. قازاقستاننىڭ 20 قالاسىندا ۇسىنىلعان فيليالدىق جەلىسى بار. بانك قارجىلىق قىزمەت، بولشەك بروكەرلىك وپەراسيالار، باعالى قاعازدار ساۋداسى، ينۆەستيسيالىق-بانكتىك جانە اندەررايتينگتىك قىزمەتتەردى جۇزەگە اسىراتىن Freedom Holding Corp. حولدينگىنىڭ قۇرامىنا كىرەدى. بۇگىندە حولدينگتىڭ جاي اكسيالارى Nasdaq Capital Market جانە قازاقستان قور بيرجاسىندا ساۋدالانادى.