اقش-تىڭ فەدەرالدىق ساۋدا كوميسسياسى (FTC) جانە 22 شتات Amazon ينتەرنەت-دۇكەنىن جارناما تۇتىنۋشىلارىن الدادى دەپ ايىپتاپ، سوتقا شاعىمداندى. بۇل تۋرالى AP News حابارلادى.
ۆاشينگتوننىڭ باتىس وكرۋگىنىڭ فەدەرالدىق سوتىنا بەرىلگەن تالاپ-ارىزدا Amazon 1،2 ميلليون جارناما تۇتىنۋشىسىن ونلاين جارناما اۋكسيوندارىنىڭ باعاسى تۋرالى جاڭىلىستىرىپ، ارتىق اقشا العانى ايتىلعان. كومپانيا بىرنەشە جارناما ونىمدەرىنە باسەكەگە قابىلەتتى باعا ۇسىناتىنىن مالىمدەگەن، ءبىراق ءىس جۇزىندە اۋكسيون باعاسىن جاساندى تۇردە كوتەرگەن.
FTC ءتوراعاسى ەندريۋ فەرگيۋسون: «الەمدەگى ەڭ ءىرى ينتەرنەت-دۇكەندەردىڭ ءبىرى ادىلەتسىز جانە الدامشى ارەكەتتەرگە بارعاندا، ونىڭ سالدارى وراسان زور بولۋى مۇمكىن. Amazon-نىڭ ميلليونداعان جارناما تۇتىنۋشىسى الدانىپ، ايتارلىقتاي جوعارى باعا تولەۋگە ءماجبۇر بولدى»، — دەدى.
Amazon ءوز كەزەگىندە بلوگىندا FTC «بىرنەشە جەڭىلدەتىلگەن حابارلامالارعا سۇيەنىپ، كومپانيانىڭ جالپى الداۋ ارەكەتىن ايىپتاپ وتىر» دەپ جازدى. كومپانيا ايىپتاۋلاردى «مۇلدەم جالعان» دەپ اتادى.