عاجايىپ ادام

3 سىنىپ
ساباقتىڭ تاقىرىبى: مۇراتحان تانەكەيەۆ «عاجايىپ ادام»
ساباقتىڭ ماقساتى:
1. بىلىمدىلىگى: وقۋشىلارعا كۇش يەسى قاجىمۇقان اتامىز جايلى تۇسىنىك بەرۋ، ونىڭ ءومىرى، سپورتتاعى جەتىستىكتەرى تۋرالى بىلىمدەرىن كەڭەيتۋ. ءماتىننىڭ مازمۇنىن اشىپ ءتۇسىندىرۋ.
2. دامىتۋشىلىعى: ءماتىندى ءتۇسىنىپ، مانەرلەپ وقۋعا، مازمۇنىن بايانداۋعا داعدىلاندىرۋ.
3. تاربيەلىگى: شىدامدىلىققا، ەل نامىسىن قورعايتىن ازامات بولۋعا، سالاۋاتتى ءومىر سالتىن ۇستانۋعا تاربيەلەۋ.
ساباقتىڭ ءتۇرى: تانىمدىق ساباق
ساباقتىڭ ءادىسى: سىني تۇرعىسىنان ويلاۋ تەحنولوگياسىنىڭ ادىستەرى.
كورنەكىلىگى: ق. مۇنايتپاسوۆ سۋرەتى، بەينەتاسپا، سلايدتار، ينتەراكتيۆتى تاقتا.

ساباقتىڭ بارىسى:
I. قىزىعۋشىلىعىن وياتۋ.
ساباققا اركەز قاتىسىپ
ءبىلىمدى شىڭداپ كورەيىك
ءاربىر اتقان تاڭمەنەن
بولەنىپ نۇرعا جۇرەيىك.
- بالالار بۇگىن بىزدە ەرەكشە كۇن. بۇگىن ءبىزدىڭ ساباعىمىزعا قوناقتار قاتىسىپ وتىر. سوندىقتان ءوز ءبىلىمىمىزدى كورسەتەيىك.

ءۇي تاپسىرماسىن تەكسەرۋ
- وتكەن ساباقتا ۇيگە قانداي تاپسىرما بەرىلدى؟
- ش. مۇرتازانىڭ «ينتەرنات نانى»اڭگىمەسى.
تۇسىنىك سۇراۋ. ءار قاتاردان سۇرايمىن.
سۇراق - جاۋاپ ارقىلى بەكىتۋ. بايگە.
- ينتەرنات دەگەنىمىز نە؟
- اڭگىمە كىم تۋرالى؟
- ءالتاي نەگە كەزەكشى بولۋعا تىرىسادى؟
- ءالتاي كەزەكشىلىگىن قالاي اتقارتىن؟
- ءالتاي كىناسىن ءتۇسىندى مە؟
- بالالار قانداي ءتۇس كوردى؟

جاڭا ساباق:
II. وي شاقىرۋ
- بالالار بۇل اڭگىمەدە نە تۋرالى ايتىلعان؟ نان
- نان بىزگە نە ءۇشىن قاجەت؟ دەنساۋلىعىمىز مىقتى بولۋ ءۇشىن
- دەنىمىز مىقتى بولۋ ءۇشىن، تاعى نە قاجەت؟ سپورتپەن شۇعىلدانۋ كەرەك
-- سپورتتىڭ قانداي تۇرلەرىن بىلەسىڭدەر؟ كۇرەس
-- كۇرەسكەر ادامدى قالاي اتايمىز؟
- بالالار بالۋان دەگەنىمىزدە كوز الدىمىزعا قانداي ادام ەلەستەيدى؟
- بالۋاندىق ۇناي ما، جوق پا؟
- قانداي اتاقتى بالۋانداردى بىلەمىز؟ قاجىمۇقان
- ال ەندەشە بۇگىن ءبىز ساباعىمىزدا مۇراتحان تانەكەەۆتىڭ «عاجايىپ ادام» شىعارماسىمەن تانىسامىز.
داپتەردى اشىپ بۇگىنگى كۇندى، تاقىرىپتى جازىپ قويىڭىزدار.

اۆتور تۋرالى مالىمەت
مۇراتحان تانەكەيەۆ (1. 01. 1928، جامبىل وبلىسى قورداي اۋدانى تالاپتى اۋىلى 28. 12. 2000) - پەداگوگيكا عىلىمي دوكتورى، پروفەسسور، دەنە تاربيەسى مەن سپورت تاريحى. ونىڭ جەكەلەگەن ەڭبەكتەرى اعىلشىن، فرانسۋز، نەمىس جانە موڭعول تىلدەرىندە جاريالاندى. شىعارماشىلىعى: "قاجىمۇقان"، "بايگەدەن وليمپياداعا دەيىن"، "دەنە تاربيەسى مەن سپورت تاريحى" جانە ت. ب. كەيىن بۇل كىتاپتىڭ مازمۇنى بويىنشا 1980 جىلى «قاجىمۇقان» اتتى كوركەم فيلم ءتۇسىرىلدى.
1996 جىلدان ءومىرىنىڭ سوڭىنا دەيىن «دەنە تاربيەسى ءىلىمى مەن وقۋ ادىستەمەسى» كافەدراسىندا پروفەسسور قىزمەتىن اتقاردى. 2000 جىلدىڭ 28 جەلتوقسانىندا قايتىس بولدى.

تولىق نۇسقاسىن جۇكتەۋ