عالىم ءاشىموۆ تەمىرتاۋ اكىمى قىزمەتىنەن كەتەتىنىن مالىمدەدى. ول بۇل قىزمەتتى 2024 جىلدىڭ قىركۇيەك ايىنان بەرى اتقارىپ كەلدى، دەپ حابارلايدى infohub.kz سايتى.
بۇرىنعى اكىم Instagram-داعى پاراقشاسىندا قالا تۇرعىندارىنا جۇگىنىپ، جۇمىسىن اياقتايتىنىن حابارلادى. ول ءاربىر تۇرعىنعا بەلسەندى ازاماتتىق ۇستانىمى مەن اشىق ديالوگى ءۇشىن ەرەكشە العىسىن ءبىلدىردى.
«مۇنداي اشىق قارىم-قاتىناس ناقتى ماسەلەلەردى كورۋگە جانە ولاردى بىرلەسىپ شەشۋ جولدارىن تابۋعا مۇمكىندىك بەردى»، — دەدى ءاشىموۆ.
ول تەمىرتاۋ مەن ونىڭ تۇرعىندارىنا قىزمەت ەتۋ ءوزى ءۇشىن ۇلكەن مارتەبە بولعانىن، ال جۇرەگىنىڭ ءبىر بولىگى مەتاللۋرگتەر قالاسىندا ماڭگى قالاتىنىن ايتتى.
«تەمىرتاۋدىڭ يگىلىگى ءۇشىن بىرگە ەڭبەك ەتىپ، قالانىڭ دامۋىنا ۇلەس قوسقان بارلىق ازاماتتارعا شىن جۇرەكتەن العىس بىلدىرەمىن. تەمىرتاۋ قالاسىنا بەيبىتشىلىك، تۇراقتىلىق، گۇلدەنۋ جانە جاڭا جەتىستىكتەر تىلەيمىن. ءار ۇيدە اماندىق، مولشىلىق جانە ەرتەڭگى كۇنگە سەنىمدىلىك ورناسىن. سەنىمدەرىڭىزگە راحمەت! بىرلەسكەن ەڭبەكتەرىڭىز ءۇشىن العىس ايتامىن!» — دەپ جازدى شەنەۋنىك.