امەريكالىق زەرتتەۋشىلەر كۇن جۇيەسىنە جاقىن عالامشارلارداعى تىرشىلىكتىڭ دامۋ الەۋەتىن تالداپ، وندا سانالى تىرشىلىك يەلەرىنىڭ بولۋى ەكىتالاي دەگەن قورىتىندىعا كەلدى، دەپ حابارلايدى infohub.kz سايتى.
SciTechDaily جازۋىنشا، سولتۇستىك اريزونا ۋنيۆەرسيتەتىنىڭ ماماندارى ءبىزدىڭ جۇيەگە جاقىن عالامشار جۇيەلەرىن زەرتتەگەن. ولار عالامشارلاردىڭ فوتوسينتەز ارقىلى الاتىن ەنەرگيا كولەمىن ەسەپتەپ، بۇل دەرەكتەردى جەردىڭ ەۆوليۋسيالىق تاريحىمەن سالىستىرعان.
ناتيجە جاقىن ارادا بايلانىس ورناتۋدى كۇتكەندەر ءۇشىن كوڭىل كونشىتپەيدى: ءبىزدىڭ عالامشاردان الدەقايدا ەسكى بولسا دا، جارىق ەنەرگياسىنىڭ جەتىسپەۋىنەن ەكزوعالامشارلار ءالى كۇنگە ميكروورگانيزمدەر دەڭگەيىندە قالىپ قويۋى مۇمكىن.
استروبيولوگتاردىڭ باعالاۋىنشا، بەلگىلى كورشى الەمدەردىڭ ىشىنەن تەك ەكەۋى — GJ 1061c جانە K2-3d — تەوريالىق تۇرعىدان بيولوگيالىق تۇرلەردىڭ دامۋ دەڭگەيى بويىنشا جەردەن وزىپ كەتۋى مۇمكىن ەدى. تاعى ءۇش عالامشار مەزوزوي داۋىرىمەن شامالاس كەزەڭدە بولۋى ىقتيمال.
جۇمىس اۆتورلارى اتاپ وتكەندەي، ەگەر ەكزوعالامشارلارداعى تىرشىلىك جەردەگى زاڭدىلىقتار بويىنشا دامىسا، جاقىن ماڭداعى جۇيەلەردىڭ كوبىسى تەك باكتەريالارمەن عانا قونىستانعان. بۇل ادامزاتتىڭ ءوز جۇيەمىزدىڭ توڭىرەگىندە جوعارى دامىعان وزگە عالامشارلىق وركەنيەتتەرمەن جاقىن ارادا كەزدەسۋ ىقتيمالدىعىن ايتارلىقتاي تومەندەتەدى.