ساسسەكس گەرسوگى مەن گەرسوگينياسى گارري حانزادا مەن مەگان بالالارى ارچي مەن ليليبەتپەن بىرگە ۇلىبريتانياعا ورالدى، دەپ حابارلايدى infohub.kz سايتى.
بي-بي-سي مالىمەتىنشە، وتباسى كاليفورنيادان جەكە رەيسپەن كەلگەن. بۇل — كورولدىك مىندەتتەردەن باس تارتىپ، اقش-قا كوشكەننەن كەيىنگى التى جىلداعى العاشقى ورالۋى.
گارري حانزادا مەن مەگان رەسمي مىندەتتەرگە قايتا ورالمايدى، ءبىراق ۇلىبريتانيادا جەكە تۇلعا رەتىندە جانە كورولدىك وتباسىنىڭ جۇمىس ىستەمەيتىن مۇشەلەرى رەتىندە تۇرۋدى جوسپارلاپ وتىر. ولار لوندوننان تىس جەردەگى كوتسۋولدستىڭ كوركەم ايماعىنداعى جەكە يەلىككە قونىستانۋى مۇمكىن.
جۇبايلاردىڭ بالالارى ارچي مەن ليليبەت مەكتەپكە قابىلدانعان، وقۋ جىلى كەلەسى اپتادا باستالادى.
كورول كارل III گارري حانزادا مەن مەگاننىڭ بالالارىمەن قاڭتار ايىنىڭ باسىندا ورالاتىنى تۋرالى حاباردار ەتىلگەن. وسى جىلدىڭ شىلدەسىندە وتباسى كورولدى گلوستەرشيردەگى جەكە ۇيىندە كورگەن، الايدا بەلگىلى بولعانداي، كوشۋ تۋرالى سول كەزدە ءسوز بولماعان. ۋەلس حانزاداسى مەن حانشايىمى دا ساسسەكس جۇبايلارىنىڭ جوسپارلارىنان حاباردار بولعان.
ەسكە سالايىق، گارري حانزادا مەن مەگان 2020 جىلدىڭ كوكتەمىندە كورولدىك مىندەتتەرىن توقتاتىپ، كاليفورنياعا كەتكەن ەدى. سودان بەرى وتباسىلىق قارىم-قاتىناستار شيەلەنىسكەن بولاتىن، ال شىلدەدەگى كورول مەن كورولەۆا كاميللاعا جاسالعان ساپار ماڭىزدى وقيعا بولدى، دەپ اتاپ وتەدى BBC News. كورول نەمەرەلەرىن ءتورت جىلدان استام ۋاقىتتان كەيىن العاش رەت كوردى.
وعان دەيىن ساسسەكس جۇبايلارى 2022 جىلدان بەرى ۇلىبريتانيادا بىرگە بولماعان، سول كەزدە ولار كورولەۆا ەليزاۆەتا IIء-نىڭ جانازاسىنا قاتىسقان ەدى.
بۇعان دەيىن گارري حانزادا قاۋىپسىزدىككە قاتىستى الاڭداۋشىلىق ونىڭ ۇلىبريتانياعا ايەلى مەن بالالارىمەن كەلۋىنە كەدەرگى كەلتىرەتىنىن ايتقان. وتكەن جىلى ول ەلدە بولعان كەزدە ءوزى مەن وتباسىنا تيەسىلى قاۋىپسىزدىك دەڭگەيى تۋرالى سوت ءىسىن ۇتىلعان. ولاردىڭ ۇلىبريتانياداعى قاۋىپسىزدىگىن قامتاماسىز ەتۋ ءۇشىن قانداي شارالار قولدانىلاتىنى جانە ونى كىم تولەيتىنى ازىرگە بەلگىسىز.
ساسسەكس جۇبايلارىنىڭ ورالۋ جوسپارى جاريالانعاننان كەيىن ۇلىبريتانيا ىشكى ىستەر مينيسترلىگىنىڭ وكىلى كورولدىك وتباسى مۇشەلەرىنىڭ قاۋىپسىزدىگى ماسەلەلەرى بويىنشا شەشىمدەردى كورولدىك وتباسى مۇشەلەرى مەن قوعام قايراتكەرلەرىن قورعاۋ جونىندەگى اتقارۋ كوميتەتى (RAVEC) قابىلدايتىنىن مالىمدەدى.