گرەك ارالى گاۆدوستىڭ وڭتۇستىگىندەگى ليۆيا تەڭىزىندە ميگرانتتار مىنگەن قايىق اۋدارىلىپ، سۋعا باتتى. بورتتا كەمىندە 77 ادام بولعان. بيلiكتەردىڭ دەرەگىنشە، 52 ادام قۇتقارىلدى، تاعى كەمىندە 25 ادام ءىز-تۇزسىز جوعالدى، ءبىر ادام ەس-تۇسسىز كۇيدە تابىلدى. سونداي-اق ءبىر ادامنىڭ قازا تاپقانى بەلگىلى بولدى، دەپ حابارلايدى infohub.kz سايتى.
قۇتقارۋ وپەراسياسىنا گرەكيانىڭ جاعالاۋ كۇزەتىنىڭ بىرنەشە كەمەسى مەن ەۋروپالىق شەكارا جانە جاعالاۋ كۇزەتى اگەنتتىگىنىڭ (Frontex) كەمەلەرى، سونداي-اق گرەكيا اسكەري-اۋە كۇشتەرىنىڭ تىكۇشاعى مەن Frontex ۇشاعى جۇمىلدىرىلدى. ىزدەۋ-قۇتقارۋ جۇمىستارى گاۆدوستىڭ وڭتۇستىگىندە جالعاسۋدا.
گرەك بيلىگى سۋعا باتقان كەمەنىڭ ناقتى ءتۇرى مەن ونىڭ بورتىنداعى ادامداردىڭ ازاماتتىعى تۋرالى اقپارات بەرمەدى.
گاۆدوس — گرەكيانىڭ ەڭ وڭتۇستىگىندەگى تۇرعىلىقتى ارال، كريتتىڭ وڭتۇستىگىندە، ليۆيا تەڭىزىندە ورنالاسقان. ارالدىڭ وڭتۇستىگىندەگى سۋلار سولتۇستىك افريكادان گرەكياعا باعىت العان ميگرانتتار قايىقتارى ءۇشىن ماڭىزدى مارشرۋتقا اينالدى.