Geely برەندى قازاقستان نارىعىنا ارنالعان Atlas كروسسوۆەرىنىڭ جاڭارتىلاتىنىن مەڭزەپ وتىر: رەسمي Threads پاراقشاسىندا «جاڭا باعدار. جاقىندا» دەگەن جازۋى بار تيزەر جاريالاندى، ال «كازستاندارت» تىزىلىمىندە مودەلگە جاڭا وتتس تىركەلدى، دەپ حابارلايدى infohub.kz سايتى.
جاڭا قۇجات 29 قىركۇيەكتە FX11 ءتيپتى Geely Atlas-قا راسىمدەلگەن. مۇنداي يندەكس قازاقستاندا رەسمي ساتىلاتىن قازىرگى Atlas-قا ءتان. وتتس-تە بىرنەشە قۋات قوندىرعىسى نۇسقاسى كورسەتىلگەن، ونىڭ ىشىندە 1،5 جانە 2 ليترلىك بەنزين قوزعالتقىشتارى، سونداي-اق الدىڭعى جانە تولىق جەتەك بار.
قۇجاتتاعى گاباريتتەر قازىرگى Geely Atlas-پەن تولىقتاي دەرلىك سايكەس كەلەدى: ەنى – 1900 مم، بيىكتىگى – 1705 مم، دوڭگەلەك بازاسى – 2777 مم. ۇزىندىعى 4670–4706 مم ارالىعىندا كورسەتىلگەن.
ىقتيمال جاڭارتۋدى جۇڭگو نارىعىنداعى جاعداي دا راستاي تۇسەدى. قىركۇيەكتە Geely سوندا قايتا وڭدەلگەن Atlas-تى ۇسىندى، ول قحر-دا Boyue L دەگەن اتپەن بەلگىلى. كروسسوۆەر سىرتقى ءتۇرى مەن تەحنيكاسىندا وزگەرىستەرگە يە بولدى، سونىڭ ىشىندە جاڭا 1،5 ليترلىك تۋربوموتور جانە گيبريد نۇسقاسى.
سونىمەن قاتار Geelyء-دىڭ رەسمي ديستريبيۋتورى مودەلگە قىزىعۋشىلىقتى ارتتىرا باستادى. قازاقستاندىق وكىلدىكتىڭ Threads پاراقشاسىندا «جاڭا باعدار. جاقىندا. كوبىرەك كورگىڭىز كەلە مە؟» دەگەن قىسقا بەينە پايدا بولدى.
الايدا ازىرگە اۋقىمدى رەستايلينگ تۋرالى ايتۋ ەرتە، دەگەنمەن جاڭا ءوتتس-تىڭ پايدا بولۋى جانە برەننىڭ الەۋمەتتىك جەلىلەرىندەگى تيزەر قازاقستان نارىعىنا جاڭارتىلعان Atlas دايىندالىپ جاتقانىن كورسەتۋى مۇمكىن.
ەندى جاقىن ارادا وتەتىن پرەمەرانى كۇتۋ عانا قالدى.
بۇعان دەيىن كۋرسيۆ اۆتو Geely ءوز برەندتەرىنىڭ مودەلدەرىن قىرعىزستاندا شىعارۋدى جولعا قويۋى مۇمكىن ەكەنىن جازعان بولاتىن.