قىتايدا Geely كومپانياسىنىڭ جاڭا Galaxy M8 كروسسوۆەرىنىڭ تەحنيكالىق سيپاتتامالارى جاريالاندى. مودەل Galaxy M9 نەگىزىندە جاسالعان، الايدا التى ورىندىق سالوننىڭ ورنىنا بەس ورىندىق نۇسقاسى ۇسىنىلعان. سونىمەن قاتار، جاڭا مودەلدىڭ ولشەمدەرى اعا مودەلمەن بىردەي، ال باتارەياسى ءتىپتى ۇلكەنىرەك بولىپ شىقتى، دەپ حابارلايدى infohub.kz سايتى.
كروسسوۆەردىڭ ۇزىندىعى — 5205 مم، ەنى — 1999 مم، بيىكتىگى — 1800 مم، دوڭگەلەك بازاسى — 3030 مم. توبەسىندە ليدار كورىنەدى. مودەلگە 20 جانە 21 ديۋيمدىك ديسكىلەر ۇسىنىلعان، سونداي-اق التىن ءتۇستى ەمبلەمالاردى بولەك تاپسىرىس بەرۋگە بولادى. الدىڭعى جەتەكتى نۇسقاسىنىڭ سالماعى 2470 كگ، تولىق جەتەكتىسىنىكى — 2620 كگ.
Galaxy M8 قۋاتى 163 ا.ك. 1،5 ليترلىك تۋربوموتورمەن جابدىقتالعان قۋاتتالاتىن گيبريدتى قوندىرعى الدى. ەلەكتروموتورلاردىڭ قۋاتى تۋرالى دەرەكتەر ازىرگە جاريالانعان جوق. CATL باتارەياسىنىڭ سىيىمدىلىعى — 53،42 كۆت·چ.
تەك ەلەكتر قۋاتىمەن جۇرەتىن قاشىقتىق نۇسقاسىنا بايلانىستى 231–251 كم قۇرايدى. سالىستىرۋ ءۇشىن، Galaxy M9 18،4 جانە 41،5 كۆت·چ باتارەيالارمەن جابدىقتالعان، ال ەلەكتر قۋاتىمەن جۇرەتىن قاشىقتىعى CLTC سيكلى بويىنشا 210 كم-دەن اسپايدى.
Galaxy M8 قىتايدىڭ يندۋستريا مينيسترلىگىنىڭ سەرتيفيكاتتاۋ بازاسىندا پايدا بولدى. كروسسوۆەر جاقىن ايلاردا جەرگىلىكتى نارىقتا دەبيۋت جاسايدى دەپ كۇتىلۋدە. باعاسى ازىرگە جاريالانعان جوق.
بۇعان دەيىن كۋرسيۆ اۆتو Geely اقاۋلى ليدارلارعا بايلانىستى 93 مىڭعا جۋىق كولىكتى كەرى شاقىرۋ ناۋقانىن باستاعانىن حابارلاعان بولاتىن.