قىتايلىق Geely اۆتوكونسەرنى جاڭا Galaxy TT ەلەكتر سەدانىن نارىققا شىعاردى. بۇعان دەيىن ول پرەمەراعا دايىندالىپ جاتقان مودەل رەتىندە تانىستىرىلعان ەدى. ەندى جاڭالىقتىڭ باعاسى مەن سيپاتتامالارى بەلگىلى بولدى: ول 800 ۆولتتىق ارحيتەكتۋراعا، 725 كم-گە دەيىنگى ءجۇرىس قورىنا يە، ال تولىق جەتەكتى نۇسقاسى 570 اقىلشى كۇشكە تەڭ، دەپ حابارلايدى infohub.kz سايتى.
Galaxy TT بەس كومپلەكتاسيادا ۇسىنىلادى. اكسيالىق باستاپقى باعاسى — 130 مىڭ يۋان (شامامەن 8،7 ملن تەڭگە)، ال ەڭ قىمبات نۇسقاسى — 186 مىڭ يۋان (شامامەن 12،5 ملن تەڭگە).
ارتقى جەتەكتى موديفيكاسيالار 245 كۆت (329 ا.ك.) قۋاتتى ەلەكتر قوزعالتقىشىمەن جانە 320 نم اينالدىرۋ مومەنتىمەن جابدىقتالعان. نۇسقاسىنا قاراي ولار CLTC سيكلى بويىنشا 640 نەمەسە 725 كم جۇرەدى، ال 100 كم/ساع جىلدامدىققا دەيىن 7،2 جانە 6،5 سەكۋندتا جەتەدى.
تولىق جەتەكتى نۇسقاسى جالپى قۋاتى 425 كۆت (570 ا.ك.) ەكى ەلەكتر قوزعالتقىشىمەن جانە 75،2 كۆت·ساع باتارەيامەن جابدىقتالعان. «جۇزدىككە» دەيىن 3،8 سەكۋندتا جەتەدى، ءجۇرىس قورى CLTC سيكلى بويىنشا 650 كم.
ولشەمدەرى بويىنشا Galaxy TT ءىرى سەداندارعا جاتادى: ۇزىندىعى — 4999 مم، ەنى — 1919 مم، بيىكتىگى — 1479 مم، دوڭگەلەك بازاسى — 2920 مم. الدىڭعى جاعىندا اليۋميني ەكى رىچاگتى اسپا، ارتىندا كوپ رىچاگتى اسپا قولدانىلعان. سونداي-اق FSD بەيىمدەلگىش امورتيزاتورلارى مەن CCD-AI «Magic Carpet» ءشاسسيى قولجەتىمدى.
سىرتقى كەلبەتىندە بەلسەندى اۋا قابىلداعىش، «قالقىمالى» فارالار جانە 22،5 گرادۋس بۇرىشتا 508 ن-عا دەيىن باسۋ كۇشىن جاسايتىن بەلسەندى ارتقى سپويلەر ەرەكشەلەنەدى.
سالوندا 15،4 ديۋيمدىك ەكران، 10،2 ديۋيمدىك سيفرلىق اسپاپتار تاقتاسى جانە 25،6 ديۋيمدىك پروەكسيا ورناتىلعان. مۋلتيمەديا Flyme Auto 2.0 جانە Longying 6P پروسەسسورىندا جۇمىس ىستەيدى.
Galaxy TT ءۇشىن ەكى ەلەكتروندى اسسيستەنت كەشەنى دە قولجەتىمدى. H5 Horizon J6M ءچيپىن، 11 كامەرانى، ءۇش راداردى جانە 192 سىزىقتى ليداردى پايدالانادى. نەعۇرلىم وزىق H7 جۇيەسى 700 TOPS ونىمدىلىگى بار Nvidia Thor-U جانە Hesai EMX MINI ليدارىمەن جابدىقتالعان. ەكى كەشەن دە جۇرگىزۋشىگە قالادا جانە تاس جولداردا بەرىلگەن مارشرۋت بويىنشا جۇرۋگە كومەكتەسەدى، سونداي-اق اۆتوماتتى تۇراقتاۋدى قولدايدى.
بۇعان دەيىن كۋرسيۆ اۆتو Geely E2 جانە تاعى ەكى قىتايلىق مودەل Euro NCAP سىناقتارىندا بەس جۇلدىز العانىن حابارلاعان بولاتىن.