2026 جىلعى الەم چەمپيوناتىندا گەرمانيا قۇراماسى تاعى دا ساتسىزدىككە ۇشىراعاننان كەيىن، ەلدىڭ فۋتبول فەدەراسياسى بۇرىنعى «ليۆەرپۋل» باپكەرى يۋرگەن كلوپپتى ۇلتتىق قۇرامانىڭ باس باپكەرى ەتىپ تاعايىندادى دەپ حابارلايدى infohub.kz.
«مۇندا وتىرۋ – ۇلكەن مارتەبە، – دەدى كلوپپ. – ۇلتتىق قۇراما باپكەرىنىڭ جۇمىسى قانشالىقتى اۋىر ەكەنىن بىلسەم دە، تىكەلەي بايلانىستا بولعاندا اۋقىم مەن جاۋاپكەرشىلىكتى ودان سايىن سەزىنەدى ەكەنسىڭ».
كلوپپ 2024 جىلى شارشاعانىن سىلتاۋ ەتىپ، «ليۆەرپۋل» باپكەرى قىزمەتىنەن كەتكەن بولاتىن. گەرمانيا قۇراماسىن باسقارۋ تۋرالى كەلىسسوزدەر كەزىندە ول قايتا قۋات العانىن ايتتى.
59 جاستاعى مامان جۇما كۇنى ەگەر جۇمىس ناتيجە بەرمەسە، وتەمسىز كەتۋگە دايىن ەكەنىن، ال ب ا ق وتباسىن تىنىش قالدىرماسا، وتستاۆكاعا كەتەتىنىن ەسكەرتتى.
كلوپپ – ءوز ۇرپاعىنىڭ ەڭ جۇلدەلى باپكەرلەرىنىڭ ءبىرى. ول كەلەسى الەم چەمپيوناتى وتەتىن 2030 جىلعا دەيىن گەرمانيامەن كەلىسىمشارت جاساستى.
2025 جىلدان بەرى كلوپپ «رەد بۋلل» كومپانياسىندا جاھاندىق فۋتبول جونىندەگى باسشى قىزمەتىن اتقارىپ، رب لەيپسيگ، رەد بۋلل زالسبۋرگ جانە نيۋ-يورك رەد بۋللز كلۋبتارىن قاداعالاپ كەلەدى.
گەرمانيا فۋتبول قاۋىمداستىعىنىڭ پرەزيدەنتى بەرند نويەندورفتىڭ ايتۋىنشا، كلوپپتى «رەد بۋللدان» بوساتۋ ءۇشىن ادەتتەگىدەي اقى تولەنبەدى. ونىڭ ورنىنا قاۋىمداستىق ج ۇلىن جاراقاتتارىن زەرتتەۋگە كومەكتەسەتىن Wings for Life قايىرىمدىلىق قورىنا ءبىر ميلليون ەۋرو ($1،14 ملن) اۋدارادى.
سونىمەن قاتار، ۇلتتىق قۇرامانىڭ ءۇش ويىنىن لەيپسيگتە وتكىزۋ كەلىسىلدى. بۇل قالادا «رەد بۋلل» جەرگىلىكتى بۋندەسليگا كلۋبىن قولدايدى.
گەرمانيا فۋتبول قاۋىمداستىعى بۇعان دەيىن يۋليان ناگەلسماندى باس باپكەر قىزمەتىنەن بوساتقان ەدى. سەبەبى، گەرمانيا جازعى الەم چەمپيوناتىندا 1/32 فينالدا پاراگۆايدان پەنالتيدەن ۇتىلىپ قالدى.
وسىلايشا، گەرمانيا ەرلەر قۇراماسى 2014 جىلى ءتورتىنشى رەت چەمپيون اتانعاننان بەرى قاتارىنان ءۇشىنشى الەم چەمپيوناتىندا ءسۇرىنىپ كەلەدى. گەرمانيا 2018 جانە 2022 جىلدارى توپتىق كەزەڭنەن شىعا الماعان. سوڭعى بەس ءىرى ءتۋرنيردىڭ تەك بىرەۋىندە عانا نوكاۋتتىق كەزەڭدە جەڭىسكە جەتكەن: 2024 جىلى ەۋروپا چەمپيوناتىن قابىلداۋشى رەتىندە شيرەك فينالعا جەتتى.
كلوپپتىڭ باپكەرلىك مانسابى «ماينس» (ءوزى ون جىلدان استام ويناعان) جانە «بورۋسسيا دورتمۋند» كلۋبتارىندا باستالدى. ودان كەيىن «ليۆەرپۋلدە» اڭىزعا اينالدى: اعىلشىن كلۋبىن 2020 جىلى 30 جىلدىق قۇرعاقشىلىقتان كەيىن چەمپيوندىققا جەتكىزىپ، چەمپيوندار ليگاسىندا التىنشى ەۋروپالىق جەڭىسكە قول جەتكىزدى.
كلوپپ العاشقى ۇلتتىق قۇراما باپكەرلىك جۇمىسىن قيىننان باستايدى: قىركۇيەكتىڭ سوڭى مەن قازاننىڭ باسىندا 11 كۇن ىشىندە نيدەرلاند، گرەكيا جانە سەربياعا قارسى ءتورت ۇلتتار ليگاسى ويىنى وتەدى.