قازاقستاندا بيىل مەملەكەتتىك ءبىلىم گرانتتارىن بەرۋ كونكۋرسىنا 127 مىڭنان استام ءوتىنىم ءتۇستى، دەپ حابارلايدى infohub.kz.
عىلىم جانە جوعارى ءبىلىم مينيسترلىگىنىڭ سايتىندا اتاپ وتىلگەندەي، رەسپۋبليكالىق كوميسسيا تالاپكەرلەردىڭ وتىنىمدەرىن قاراپ شىقتى. گرانتتار ۇبت بالدارى مەن بەكىتىلگەن ەرەجەلەرگە سايكەس كونكۋرستىق نەگىزدە بەرىلەدى.
تۇسۋشىلەر اراسىندا «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «اقپاراتتىق-كوممۋنيكاسيالىق تەحنولوگيالار» باعىتتارى ەڭ تانىمال. ۆەدومستۆو بولاشاق اۋدارماشىلار، ديپلوماتتار، زاڭگەرلەر، پسيحولوگتار مەن پەداگوگتار اراسىندا ءبىر گرانتقا ەڭ جوعارى كونكۋرس كۇتىلەتىنىن اتاپ ءوتتى.
كونكۋرستىق ىرىكتەۋ قورىتىندىلارى 10 تامىزعا دەيىن مينيستر ساياسات نۇربەكتىڭ، ق ر عىلىم جانە جوعارى ءبىلىم مينيسترلىگىنىڭ جانە ۇلتتىق تەستىلەۋ ورتالىعىنىڭ رەسمي پاراقشالارىندا جاريالانادى. جوو-عا قۇجات قابىلداۋ 25 تامىزدا اياقتالادى.