قازاقستاندا ماگيستراتۋراعا گرانت ارقىلى تۇسۋگە نيەت بىلدىرۋشىلەرگە ارنالعان تەستىلەۋ اياقتالدى، دەپ حابارلايدى infohub.kz سايتى.
عىلىم جانە جوعارى ءبىلىم مينيسترلىگىنىڭ مالىمەتىنشە، ماگيستراتۋراعا ءتۇسۋ ءۇشىن تەستىلەۋدەن شامامەن 58 مىڭ ۇمىتكەر وتكەن. عىلىمي-پەداگوگيكالىق باعىت بويىنشا ورتاشا كورسەتكىش 77 بالل، بەيىندىك باعىت بويىنشا – 24 بالل بولدى. ەڭ جوعارى بالل – 139.
كەشەندى تەستىلەۋ بارىسىندا ەرەجە بۇزعانى ءۇشىن 94 قاتىسۋشىنىڭ ناتيجەسى جويىلدى. ونىڭ ىشىندە سمارتفون، شپارگالكا جانە باسقا دا تىيىم سالىنعان زاتتاردى وتكىزۋگە تىرىسقانى ءۇشىن 69 ۇمىتكەر تەستىلەۋگە جىبەرىلمەدى. تەستىلەۋ كەزىندە ەرەجە بۇزعانى ءۇشىن اۋديتوريادان 25 ادام شىعارىلدى، ولاردىڭ ناتيجەلەرى دە جويىلدى.
ماگيستراتۋراعا ءتۇسۋ ءۇشىن عىلىمي-پەداگوگيكالىق باعىت بويىنشا وتپەلى بالل – 75، بەيىندىك باعىت بويىنشا – 30 بالل، دەپ اتاپ ءوتتى اكىمدىكتە.
گرانت كونكۋرسىنا قۇجاتتار قابىلداۋ 12-18 تامىز ارالىعىندا جۇزەگە اسىرىلادى، ال گرانت يەگەرلەرىنىڭ ءتىزىمى 25 تامىزعا دەيىن جاريالانادى. بولاشاق ماگيسترانتتاردى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنا قابىلداۋ 28 تامىزعا دەيىن اياقتالادى.
كونكۋرسقا قاتىسۋ ءۇشىن مىناداي قۇجاتتار تاپسىرۋ قاجەت: جەكە كۋالىكتىڭ كوشىرمەسى، جوعارى ءبىلىم تۋرالى قۇجات (ديپلوم جانە قوسىمشا)، كەشەندى تەستىلەۋ سەرتيفيكاتى جانە شەت ءتىلىن مەڭگەرگەنىن راستايتىن حالىقارالىق سەرتيفيكاتتار (بولعان جاعدايدا).
ءوتىنىش بەرۋ كەزىندە ءتۇسۋشى ءبىر ءبىلىم بەرۋ باعدارلامالارى توبىن جانە ءۇش جوعارى وقۋ ورنىن كورسەتە الادى.