گرۋزيادا سوڭعى اپتالاردا ءۇشىنشى رەت ءىرى بلەكاۋت بولدى. ەلەكتر قۋاتىنىڭ ءوشىرىلۋى تبيليسي مەن ەلدىڭ باسقا ايماقتارىن قامتىدى، دەپ حابارلايدى infohub.kz سايتى.
5 تامىز كەشكى ساعات 20:10 شاماسىندا استانا جانە ءبىرقاتار ايماق جارىقسىز قالدى. تبيليسيدە مەترو مەن تەمىرجول قاتىناسى توقتادى.
كەيىن مەملەكەتتىك «گرۋزيا مەملەكەتتىك ەلەكتر جۇيەسى» كومپانياسى الەۋمەتتىك جەلىلەردە بولعان وقيعانىڭ سەبەبىن ءتۇسىندىردى. انىقتالعانداي، كەزەكتى بلەكاۋت 24-25 شىلدەدەگى الدىڭعى اقاۋلاردان كەيىن جۇرگىزىلگەن ينگۋري گەس-ىندەگى جۇمىستارعا بايلانىستى بولعان.
«ەلدە 24-25 شىلدەدە بولعان جۇيەلىك اقاۋلاردان كەيىن ينگۋري گەس-ىندە بەلگىلى ءبىر جۇمىستار جۇرگىزىلدى، اتاپ ايتقاندا، ستانسيانىڭ ءتيىستى جابدىعىن زەرتتەۋ ءۇشىن ەلەكتر جۇيەسىن وقشاۋلانعان رەجيمدە، نومينالدىق جيىلىكتەن وزگەشە جيىلىكتەردە پايدالانۋ قاجەت بولدى، بۇل بۇكىل ەل بويىنشا ۋاقىتشا ەلەكتر قۋاتىنىڭ وشىرىلۋىنە اكەلدى»، — دەلىنگەن كومپانيا حابارلاماسىندا.
ەسكە سالايىق، 24 شىلدەدە گرۋزيانىڭ بارلىق دەرلىك اۋماعى جارىقسىز قالعان ەدى.