تانىمال پروديۋسەر ءارى قازاقستاندىق ەسترادا جۇلدىزى قايرات نۇرتاستىڭ اناسى گۇلزيرا ايداربەكوۆا Instagram-دا جاساندى ينتەللەكت كومەگىمەن جاسالعان ەموسياعا تولى بەينەروليك جاريالادى. روليك جۇلدىز ۇلىنىڭ وتكەنىنە، ونىڭ قالىپتاسۋ كەزەڭدەرىنە جانە وسى ۇزاق ءارى قيىن جولداعى ءوزىنىڭ رولىنە ارنالعان، دەپ حابارلايدى infohub.kz سايتى.
بەينەدە وتكەن كۇندەردەن الىنعان كورىنىستەر جاسالدى: پروديۋسەر ۇلىنىڭ كونسەرتتەرى تۋرالى افيشالاردى جاپسىرىپ ءجۇر، نۇرتاستىڭ مۋزىكاسى جازىلعان ديسكىلەردى باسقا پروديۋسەرلەرگە تىڭداتىپ، جۇمىس كەزدەسۋلەرىن وتكىزىپ جاتقان ساتتەر مەن ت.ب.
جازباعا قوسقان تۇسىنىكتەمەسىندە ايداربەكوۆا 20 جىل بۇرىن العاشقى كونسەرتتەرگە نەبارى 30 شاقتى ادام جينالاتىنىن ەسكە الدى. ونىڭ ايتۋىنشا، سول كەزدە كوز جاسىنا ەرىك بەرۋگە تۋرا كەلگەن، ال بۇگىندە كونسەرتتەر 30 مىڭ كورەرمەننىڭ الدىندا وتەدى. پروديۋسەر ساحناداعى جەتىستىكتەردىڭ ارتىندا جاي عانا ساتتىلىك ەمەس، كوپ جىلدىق ەڭبەك پەن ۇيقىسىز تۇندەر تۇرعانىن اتاپ ءوتتى.
جازىلىمشىلار پوستقا ءتانتى بولىپ، ونى «باتىر انا» جانە مىقتى ستراتەگ دەپ اتادى.
«ءسىز باتىر اناسىز! ءبىزدىڭ حانشايىمىز!»، «ەڭبەكقور، وتباسىنىڭ تىرەگى، قازاق ايەلىنىڭ ناعىز ۇلگىسى، ناتيجەسىنە قۋانىڭىز»، «ءسىز بىزگە ۇلگىسىز»، — دەپ جازادى قولدانۋشىلار.
بۇعان دەيىن Kursiv LifeStyle تانىمال وتاندىق پروديۋسەر جان مۇقانوۆتىڭ قازاقستاندىق ەستراداداعى ەڭ تىيىم سالىنعان ءارى ءقاۋىپتى تاقىرىپتاردىڭ ءبىرىن — ارتىستەر مەن جۇلدىزدار اراسىنداعى ەسىرتكى قولدانۋ ماسەلەسىن كوتەرگەنىن جازعان بولاتىن. پىكىرتالاستى ءانشى، اكتەر قايرات ادىلگەرەيدىڭ جۇبايى باقىت تۇرمان قولداپ، ءبىر كۇن بۇرىن سونداي مۋزىكانتتاردىڭ ءبىرىنىڭ كونسەرتى وتكەنىن ايتتى.