عۇنداردىڭ تۇرمىسى مەن شارۋاشىلىعى

عۇنداردىڭ تۇرمىسى مەن شارۋاشىلىعى
كونسپەكت
عۇندار ەگىنشىلىكپەن دە اينالىسقان. ولاردىڭ ۇيلەرىنەن استىق ساقتايتىن ۇرالار تابىلدى. ال ەدەن، قابىرعالار سىلاعىنان، شيكى كىرپىشتەردىڭ اراسىنان ساباننىڭ قالدىقتارى كەزدەسەدى.
عۇن شەبەرلەرى ىدىس - اياقتاردى اعاشتان، تەرىدەن، قىشتان جاساعان. Cءۇت، قىمىز، ايران سياقتى سۇيىق تاعامدار قۇياتىن ىدىستار قىش پەن اعاشتان جاسالدى.
امميان مارسەللين عۇندار تۋرالى: “عۇندار جاقسى شىنىققان، ولار وتتى دا قاجەت ەتپەيدى. ولار تاۋ مەن ورماندا كوشىپ جۇرەدى، جاس كەزىنەن ىستىق - سۋىققا، شولگە ۇيرەنگەن” - دەپ جازعان.
عۇندار – كوشپەلى پاتريارحالدى ەل. بيلەۋشىسى – شانيۋي، بيلىك مۇراگەرلىكپەن قالدىرىلىپ وتىرعان. عۇنداردى اقساقالدار كەڭەسى باسقارعان. وزىندىك قۇقىق قورعاۋ جۇيەسى بولعان. اۋىر قىلمىس پەن وپاسىزدىق جاساعاندار ءولىم جازاسىنا كەسىلگەن، ۇساق قىلمىستار ءۇشىن بەتىن ءتىلۋ جازاسى بەرىلگەن.
كوشپەلىلەر التىن اشەكەي جاساۋدا تاماشا جەتىستىكتەرگە جەتكەن. عالىمدار ب. ز. ب. 7 عاسىرعا جاتاتىن بەزەندىرىلگەن التىن زاتتار تاپقان. “پوليحرومدىق ستيل” ونەرىندە اشەكەيلەۋدىڭ بىرنەشە ءتۇرى كەزدەسەدى. بۇيىمداردى بەزەندىرۋ ءۇشىن جابايى اڭداردىڭ بەينەسى قولدانىلعان. عۇندار التىن، كۇمىس سياقتى باعالى زاتتاردان اشەكەي بۇيىمدارىن جاساعان.
بۇيىمعا ساندىك ءۇشىن ءتۇرلى - ءتۇستى زاتتار جاپسىرۋدى بەزەندىرۋ دەيدى. ال بۇيىمنىڭ بەتىنە التىن تۇيىرشىكتەردى دانەكەرلەۋدى زەرلەۋ دەپ اتاعان.
عۇندار كوشپەلى ءومىر سۇرگەن. ريمدىكتەر مەن گرەكتەرگە عۇنداردىڭ ءومىر سالتى وزگەشە بولىپ كورىنگەن. سوندىقتان تاريحي دەرەكتەردەن كوشپەلىلەر تۋرالى ءار ءتۇرلى كوزقاراستى كەزدەستىرۋگە بولادى.
ريم تاريحشىسى امميان مارسەللين: “عۇندار ءتوزىمدى كەلەدى. كۇنى - ءتۇنى ات ۇستىنەن تۇسپەيدى، ساۋدا - ساتتىعىن دا ات ۇستىندە ءجۇرىپ جاسايدى، ات ۇستىندە ءىشىپ - جەيدى، ات ۇستىندە قالعىپ ۇيىقتايدى، ءتىپتى ءتۇس دە كورەدى” - دەپ سيپاتتاپ جازعان.
عۇنداردىڭ قالالارى بولعان. پرييسك عۇن ءامىرىنىڭ سارايىنىڭ اسەمدىگى تۋرالى جازدى: “ساراي شەبەرلىكپەن وڭدەلگەن بورەنەلەر مەن تاقتايشالاردان سالىنىپ، اسەم بەزەندىرىلگەن. بيىك مۇنارالار پاتشا سارايىنىڭ ءسانىن كەلتىرىپ تۇر”.
پرييسكىنى اتتيلانىڭ سارايىنداعى اپپاق تاستان قالانعان مونشا ەرەكشە تاڭعالدىرعان.

كونسپەكت سۇراقتار
1. عۇن جەرىندە پرييسكتى ەرەكشە تاڭعالدىردى:
2. عۇنداردى “كۇنى - ءتۇنى ات ۇستىنەن تۇسپەيدى” - دەپ سيپاتتاعان:
3. بۇيىمنىڭ بەتىنە التىن تۇيىرشىكتەردى دانەكەرلەۋ ءتاسىلى:
4. كوشپەلىلەردىڭ التىن اشەكەي جاساۋداعى جەتىستىگى:
5. عۇن قوعامىنىڭ قۇرىلىمى:
6. عۇنداردىڭ توزىمدىلىگى تۋرالى جازعان ريم تاريحشىسى:
7. عۇنداردىڭ سۇيىق تاعامدارعا ارنالعان ىدىستارى جاسالدى:
8. عۇنداردىڭ استىقتى ساقتايتىن ورنى:
9. عۇنداردىڭ بيلەۋشىسىنىڭ تيتۋلى:
10. پوليحرومدى ستيل دەگەنىمىز:
تاقىرىپتىڭ تەستى

عۇنداردىڭ تۇرمىسى مەن شارۋاشىلىعى. جۇكتەۋ