گولليۆۋد اكتريساسى ءارى Goop كومپانياسىنىڭ نەگىزىن قالاۋشى گۆينەت پەلتروۋ OpenAI باسشىسى سەم التماننىڭ قۇرمەتىنە جابىق كەش ۇيىمداستىرعانى ءۇشىن قاتتى سىنعا ۇشىرادى. بۇل تۋرالى infohub.kz سايتى حابارلايدى.
Puck News باسىلىمىنىڭ مالىمەتىنشە، شارا 29 تامىزدا نيۋ-يورك شتاتىنداعى اماگانسەتتەگى جۇلدىزدىڭ ۇيىندە اشىق اسپان استىندا وتەدى. گۇل ورنەگى مەن كوگەرشىن بەينەلەنگەن شاقىرۋ قاعازىندا كەزدەسۋگە "ءباسپاسوز ءۇشىن ەمەس" مارتەبەسى بەرىلگەنى كورسەتىلگەن. ءىس-شارانى Goop كومانداسى ۇيىمداستىرادى، ال برەندتىڭ ەلەكتروندىق پوشتاسى قاتىسۋدى راستاۋ ءۇشىن پايدالانىلادى.
الەۋمەتتىك جەلى قولدانۋشىلارى بۇل جاڭالىققا تەرىس رەاكسيا ءبىلدىرىپ، 53 جاستاعى اكتريسانى شىندىقتان الشاقتاپ، جاساندى ينتەللەكتىنى ىلگەرىلەتەتىن ميللياردەرلەرمەن ىنتىماقتاستىقتا دەپ ايىپتادى. بۇعان دەيىن پەلتروۋ بيزنەستە جي تەحنولوگيالارىن ۇنەمى قولداناتىنىن جانە وسى سالاداعى ستارتاپتارعا ينۆەستيسيا سالاتىنىن مالىمدەگەن.
ال سەم التمان مەن اكتريسانىڭ وكىلى بۇل جاعدايعا ازىرگە تۇسىنىكتەمە بەرگەن جوق.