گۆينەيانىڭ استاناسى كوناكريدەگى ەڭ ءىرى قوقىس پوليگونىندا بولعان وپىرىلۋ سالدارىنان كەمىندە 22 ادام قازا تاپتى. بۇل تۋرالى ەلدىڭ ازاماتتىق قورعاۋ قىزمەتىنىڭ الدىن الا مالىمەتىنە سىلتەمە جاساپ، infohub.kz سايتى حابارلايدى.
جەكسەنبى كۇنى تاڭەرتەڭگى ساعات 03:00 شاماسىندا باستالعان قاتتى جاڭبىر دار-ەس-سالام پوليگونىنداعى قوقىس ءۇيىندىسىن شايىپ، كورشىلەس لاشىقتاردى باسىپ قالعان. قۇتقارۋشىلار ءتىرى قالعانداردى ىزدەۋ جۇمىستارىن جالعاستىرۋدا.
اسكەري ينجەنەرلىك باتالوننىڭ سانيتارلىق وفيسەرى پودپولكوۆنيك بالدە مامادۋ بايلونىڭ ايتۋىنشا، بۇل پوليگون جەكسەنبى كۇنى جابىلۋى ءتيىس بولعان. ايماق تۇرعىندارىنا ەۆاكۋاسيا تۋرالى حابارلاما بەرىلگەنىمەن، كوپشىلىگى اپات كەزىندە ءالى دە سول ماڭايدا بولعان.
تەرريتوريالىق اكىمشىلىك جانە دەسەنتراليزاسيا ءمينيسترى دەنابۋ تۋرە وقيعا ورنىندا: «قالعان وتباسىلاردى باسقا جەرگە كوشىرۋدى قامتاماسىز ەتەمىز»، — دەپ مالىمدەدى.