قازاقستاننىڭ عىلىم جانە جوعارى ءبىلىم مينيسترلىگى ءبىلىم گرانتتارىن يەلەنگەن تالاپكەرلەرگە 25 تامىزعا دەيىن جوعارى وقۋ ورىندارىنىڭ قابىلداۋ كوميسسيالارىنا قۇجات تاپسىرۋ قاجەتتىگىن ەسكە سالدى، دەپ حابارلايدى infohub.kz سايتى.
ۆەدومستۆونىڭ تۇسىندىرۋىنشە، گرانت يەلەرى grant.testcenter.kz سايتىندا گرانت بەرۋ تۋرالى كۋالىكتى الا الادى. ودان كەيىن تاڭداعان وقۋ ورنىنا گرانتقا نەمەسە اقىلى نەگىزدە وقۋعا قۇجات تاپسىرۋ قاجەت.
قاجەتتى قۇجاتتار ءتىزىمى: جەكە كۋالىك، 3×4 ولشەمىندەگى فوتوسۋرەت، ورتا ءبىلىم تۋرالى اتتەستات نەمەسە كوللەدج تۇلەكتەرى ءۇشىن ديپلوم، № 075/ۋ نىسانىنداعى مەديسينالىق انىقتاما، جىگىتتەر ءۇشىن اسكەري كوميسسارياتتىڭ ەسەپكە الۋ كۋالىگى، ءبىلىم گرانتىنىڭ ەلەكتروندىق كۋالىگى (بار بولسا)، سونداي-اق جەڭىلدىك ساناتتارى بويىنشا راستايتىن قۇجاتتار (بار بولسا).
ەسكە سالايىق، وتكەن اپتادا قازاقستاندا ءبىلىم گرانتتارىن يەلەنۋشىلەردىڭ رەسمي ءتىزىمى جاريالانعان بولاتىن.