تامىز ايىنىڭ سوڭىندا رۋدنىي قالاسىنىڭ 69 جىلدىق مەرەيتويى اتاپ وتىلەدى. مەرەكەنىڭ حەدلاينەرى – ترينيدادتىق تەكتى نەمىس ءپوپ-انشىسى Haddaway (شىن اتى – نەستور الەكساندر حادداۆەي)، دەپ حابارلايدى infohub.kz.
Haddaway تمد ەلدەرىنە 1993 جىلى شىققان «What Is Love» ترەگىنىڭ ارقاسىندا كەڭىنەن تانىلدى. بۇل ءان الەمنىڭ بارلىق دەرلىك كونتينەنتتەرىندەگى چارتتاردىڭ العاشقى ورىندارىنان كورىندى. سونىمەن قاتار ونىڭ «Life»، «I Miss You» جانە «Rock My Heart» سينگلدارى دا تانىمال بولدى. ءانشى 2025 جىلعى اقپاندا قاراعاندىدا ونەر كورسەتكەن بولاتىن.
21 تامىزداعى مەرەكەلىك باعدارلامادا بالالارعا ارنالعان ءىس-شارالار مەن كۇش سىناسى وتەدى. ساحنادا Haddaway-مەن بىرگە جەرگىلىكتى ارتىستەر مەن قازاقستاندىق ءانشى BAYANSULU (بايانسۇلۋ ساعىندىقوۆا) ونەر كورسەتەدى. مەرەكە وتشاشۋمەن اياقتالادى.
بۇعان دەيىن پاۆلودارداعى قالا كۇنىنىڭ باعدارلاماسى تۋرالى حابارلانعان بولاتىن: 25 شىلدەدە ەرتىس جاعالاۋىندا رەسەيلىك ءانشى ماكSيم، رۋمىندىق Fly Project توبى، سونداي-اق قازاقستاندىق «يرينا كايراتوۆنا»، ديانا يسمايل جانە يلحان ورىنداۋشىلارىنىڭ قاتىسۋىمەن تەگىن كونسەرت وتەدى.