سەۋل سوتى جۇڭگو ازاماتىن BTS توبىنىڭ مۇشەسى چونگۋك پەن وڭتۇستىككورەيالىق بيزنەسمەندەرگە قارسى حاكەرلىك سحەماعا قاتىسقانى ءۇشىن 20 جىلعا باس بوستاندىعىنان ايىرۋ جازاسىنا كەستى. قىلمىسكەرلەر 38 ملرد ۆوننان استام (شامامەن 12،5 ملرد تەڭگە) اكتيۆتەردى ۇرلاماق بولعان، دەپ حابارلايدى infohub.kz.
تەرگەۋ انىقتاعانداي، چۋن ەسىمدى سوتتالعان ادام 2023 جىلدىڭ تامىزى مەن 2025 جىلدىڭ قاڭتارى ارالىعىندا باي ادامداردىڭ جەكە دەرەكتەرىن جيناعان قىلمىستىق توپتىڭ قۇرامىندا بولعان. كەيىن ولار ادامداردىڭ اتىنا ءموبيلدى نومىرلەر راسىمدەپ، شوتتارعا قول جەتكىزىپ، اقشا اۋدارعان.
ماقساتتاردىڭ ءبىرى چونگۋك بولدى. حاكەرلەر وعان تيەسىلى HYBE كومپانياسىنىڭ (BigHit Music اگەنتتىگىنىڭ انالىق كومپانياسى) 8،4 ملرد ۆون (شامامەن 2،76 ملرد تەڭگە) تۇراتىن اكسيالارىن ۇرلاماق بولعان. اگەنتتىك ۋاقىتىندا ارەكەت ەتىپ، قىلمىسكەرلەردىڭ وپەراسيانى اياقتاۋىنا جول بەرمەدى.
سوت سونىمەن قاتار چۋننىڭ شىنايى وكىنبەگەنىن اتاپ ءوتتى. سۋديالاردىڭ ايتۋىنشا، قىلمىسكەرلەر ادەيى باي ادامداردى تاڭداپ، ولاردىڭ اكتيۆتەرىن الىپ وتىرعان، ال قۇربانداردىڭ وزدەرى ەشقانداي قاتەلىك جاساماعان.