مەملەكەت باسشىسى قاسىم-جومارت توقايەۆ قازاقستان حالىق كەڭەسى حاتشىلىعىنىڭ جەتەكشىسى – ءتوراعانىڭ ورىنباسارى قاناتبەك جايسانباەۆتى قابىلداپ، كەڭەستىڭ العاشقى سەسسياسىنا دايىندىقتى جوعارى دەڭگەيدە ۇيىمداستىرۋدى تاپسىردى، دەپ حابارلايدى infohub.kz.
اقوردانىڭ حابارلاۋىنشا، قاناتبەك جايسانبايەۆ پرەزيدەنتكە قازاقستان حالىق كەڭەسى مەن ونىڭ حاتشىلىعىن قۇرۋ جۇمىسى تۋرالى باياندادى. ونىڭ ايتۋىنشا، حاتشىلىق قازاقستان حالىق كەڭەسىنىڭ قىزمەتىن ۇيىمداستىرۋ، قۇقىقتىق، ماتەريالدىق-تەحنيكالىق، قارجىلىق جانە اقپاراتتىق-تالداۋ اسپەكتىلەرى بويىنشا قامتاماسىز ەتەدى.
كەزدەسۋ بارىسىندا قاسىم-جومارت توقايەۆ قازاقستان حالىق كەڭەسى ادىلەتتى قازاقستاننىڭ ىرگەتاسىن نىعايتۋعا ىقپال ەتەتىن بىرەگەي ديالوگ الاڭى ەكەنىن اتاپ ءوتتى. پرەزيدەنت حاتشىلىق جەتەكشىسىنە قازاقستان حالىق كەڭەسىنىڭ مەملەكەتتىك ورگاندارمەن، ۇيىمدارمەن، ازاماتتىق قوعام ينستيتۋتتارىمەن جانە حالىقارالىق ۇيىمدارمەن ءوزارا ءىس-قيمىلىن ءتيىمدى ۇيلەستىرۋدى تاپسىردى. سونىمەن قاتار، مەملەكەت باسشىسى قازاقستان حالىق كەڭەسىنىڭ العاشقى سەسسياسىنا دايىندىق جۇمىستارىن ءتيىستى دەڭگەيدە جۇرگىزۋدىڭ ماڭىزدىلىعىن ەرەكشە اتاپ ءوتتى.