HEPA سۇزگىسى بار تۇرمىستىق اۋا تازارتقىشتاردى ءبىر اي بويى قولدانۋ ەرەسەك ادامداردىڭ مي قىزمەتىن ايتارلىقتاي جاقسارتاتىنىن infohub.kz سايتى حابارلايدى.
عالىمدار Scientific Reports جۋرنالىندا جاريالانعان زەرتتەۋدە HEPA اۋا تازارتقىشتارىنىڭ كوگنيتيۆتىك فۋنكسيالارعا اسەرىن باعالادى. ەكسپەريمەنتكە ماسساچۋسەتس شتاتىنداعى سومەرۆيلل قالاسىنىڭ 30 بەن 74 جاس ارالىعىنداعى 119 تۇرعىنى قاتىستى. بۇل ەلدى مەكەن ءىرى تاسجولداردىڭ بويىندا ورنالاسقاندىقتان، اۋانىڭ كولىك گازدارىمەن لاستانۋ دەڭگەيى جوعارى.
قاتىسۋشىلار ەكى توپقا ءبولىندى: ءبىرىنشى توپ ءبىر اي بويى HEPA سۇزگىسىن، سودان كەيىن ءبىر اي بويى سۇزگىسىز جالعان قۇرىلعىنى پايدالاندى، اراسىندا ءبىر اي ءۇزىلىس بولدى. ەكىنشى توپ كەرى رەتپەن ءوتتى. كوگنيتيۆتىك قابىلەتتەردى تەستىلەۋ كورسەتكەندەي، 40 جاستان اسقان ەرىكتىلەر ناقتى HEPA سۇزگىسىن قولدانعاننان كەيىن اتقارۋشى فۋنكسيالار مەن ويلاۋ يكەمدىلىگىنە ارنالعان تاپسىرمالاردى 12%-عا جىلدام ورىندادى.
زەرتتەۋ اۆتورلارى نيكولاس پەللەگرينو، دۋگ بريۋگگە جانە ميشا ەلياشەۆيچ اۋانى قاتتى بولشەكتەردەن تازارتۋ ميدىڭ اق زاتىن زاقىمدانۋدان قورعاۋعا كومەكتەسەتىنىن اتاپ ءوتتى.