قازاقستاندىق Higgsfield AI ستارتاپى جاقىندا $1 ملرد-تان استام باعالانىپ، «ەدينوروگتار» قاتارىنا قوسىلعان ەدى. ءقازىر ول Fortune 500 تىزىمىنەن 390 كومپانيانى تارتىپ ۇلگەردى. بۇل تۋرالى كومپانيانىڭ باس ديرەكتورى جانە نەگىزىن قالاۋشىلاردىڭ ءبىرى الەكساندر ماشرابوۆ Astana Hub YouTube-ارناسىندا بەرگەن سۇحباتىندا ايتتى، دەپ حابارلايدى infohub.kz.
ونىڭ ايتۋىنشا، ستارتاپتىڭ نەگىزگى تابىسى ماركەتينگ سالاسىنان تۇسەدى. «تابىستىڭ جارتىسىنان كوبى ماركەتينگپەن اينالىساتىن كومپانيالاردان كەلەدى. نەگىزىنەن الەۋمەتتىك مەديا ماركەتينگى»، – دەدى ماشرابوۆ.
ەكىنشى ماڭىزدى باعىت رەتىندە ول ويىن-ساۋىق يندۋسترياسىن اتادى. ونىڭ سوزىنشە، بۇل نارىق نەعۇرلىم ورتالىقتاندىرىلعان: كليەنتتەر سانى ايتارلىقتاي از، ءبىراق ولاردىڭ ءارقايسىسى كوبىرەك تابىس اكەلەدى.
ماشرابوۆ سونداي-اق Higgsfield تەحنولوگياسىن قولدانعان العاشقى ءىرى جارنامالىق ناۋقانداردىڭ ءبىرى اقش-تاعى Coca-Cola-نىڭ روجدەستۆولىق جارناماسى بولعانىن ايتتى. «ەڭ العاشقى ۇلكەن اكتيۆاسيا – امەريكادا Coca-Cola روجدەستۆوعا ءوز جارناماسىن شىعارعان كەزدە، ول Higgsfield-تە جاسالعان ەدى»، – دەدى ول.
كاسىپكەردىڭ ايتۋىنشا، مۇنداي جارناماعا اۋديتوريانىڭ رەاكسياسى العاشىندا تەرىس بولدى، ويتكەنى جاڭا تەحنولوگيالار ءداستۇرلى تۇردە قارسىلىق تۋدىرادى. الايدا كەيىن ماركەتينگتە يي-ۆيدەونى قولدانۋ برەندتەر ءۇشىن ادەتتەگى قۇرالعا اينالدى. «سول كەزدەن باستاپ ماركەتينگ سالاسىنداعى AI ۆيدەو ءابسوليۋتتى نورماعا اينالدى»، – دەپ اتاپ ءوتتى ماشرابوۆ.
ول بۇگىندە پلاتفورمادا Fortune 500 تىزىمىنەن 390 كومپانيا بار ەكەنىن قوستى.
Higgsfield باسشىسىنىڭ سوزىنشە، ءقازىر نارىقتا AI-native ستۋديالار مەن اگەنتتىكتەردىڭ ءوسۋى بايقالادى، ولار جاساندى ينتەللەكت كومەگىمەن تولىق سيكلدى جارنامالىق ناۋقاندار جاسايدى. يي Super Bowl، FIFA فۋتبولدان الەم چەمپيوناتى جانە وليمپيادا ويىندارى سياقتى ءىرى وقيعالارعا بايلانىستى جارنامالاردا قولدانىلعان.
بۇعان دەيىن «كۋرسيۆ» Higgsfield AI $1 ملرد-تان استام باعالانعان جەكە كومپانيا رەتىندە «ەدينوروگ» مارتەبەسىنە يە بولعان العاشقى قازاقستاندىق ستارتاپ بولعانىن جازعان ەدى. ستارتاپتى ماشرابوۆ پەن ەرزات دۋلات قۇرعان. كومپانيا ماتىندىك سۇرانىستار بويىنشا بەينەكونتەنت جاساۋعا ارنالعان گەنەراتيۆتى بەينەمودەلدەردى ازىرلەيدى.
كومپانيا دەرەكتەرى بويىنشا، ونىڭ ونىمدەرىن 11 ميلليوننان استام ادام پايدالانادى، ال پلاتفورما ارقىلى جاسالعان كونتەنتتىڭ قارالىم سانى 1،2 ميللياردتان استى. سونىمەن قاتار، Higgsfieldء-تىڭ تەحنيكالىق ديرەكتورى ەرزات دۋلات بۇعان دەيىن كومپانيا كومانداسىنىڭ شامامەن 90%-ى Nazarbayev University تۇلەكتەرى ەكەنىن مالىمدەگەن.
Fortune 500 – قارجى جىلىنداعى جالپى تابىس كولەمى بويىنشا ىرىكتەلگەن اقش-تىڭ 500 ءىرى كورپوراسياسىنىڭ بەدەلدى جىل سايىنعى رەيتينگى. بۇل ءتىزىمدى ىقپالدى امەريكاندىق ىسكەرلىك Fortune جۋرنالى 1955 جىلدان بەرى جاريالاپ كەلەدى. بۇل تىزىمگە ەنۋ بيزنەستىڭ جوعارى ەكونوميكالىق تابىسى مەن تۇراقتىلىعىنىڭ سيمۆولى سانالادى.