ءۇندىستاننىڭ ۋتتار-پرادەش شتاتىنداعى قاتتى نوسەر سالدارىنان كەمىندە 56 ادام قازا تاۋىپ، مىڭنان استام ءۇي قيرادى، دەپ حابارلايدى infohub.kz سايتى.
NUR.KZء-تىڭ India Today-عا سىلتەمە جاساپ، شتات ۇكىمەتىنىڭ دەرەكتەرىنە سۇيەنىپ حابارلاۋىنشا، 60 ساعاتقا سوزىلعان ۇزدىكسىز جاڭبىردان 56 ادام كوز جۇمىپ، تاعى 46 ادام جاراقات العان. سونىمەن قاتار 107 مال ءولىپ، 1 021 ءۇي قيراعان.
ەڭ كوپ ءولىم سيتاپۋردا تىركەلدى — جەتى ادام، لاكحيمپۋر-كحەري، باحرايچ جانە بالرامپۋردا — بەس-بەستەن. حارگويدا 272 ءۇي قيراعان — بۇل باسقا وكرۋگتەرگە قاراعاندا كوپ. قاتتى جاڭبىر ءبىرقاتار اۋداندا سۋ تاسقىنى مەن كولىك قوزعالىسىنىڭ ۇزىلۋىنە اكەلدى.
مەتەورولوگيالىق دەرەكتەرگە سايكەس، تاۋلىك ىشىندە باندادا 227،6 مم، فاتەحگارحتا — 224 مم، باحرايچ وكرۋگىنىڭ نانپار اۋىلىندا — 217 مم، حارگويدا — 214 مم جاۋىن-شاشىن تۇسكەن.
27 قىركۇيەك، جەكسەنبى كۇنى ءۇندىستاننىڭ مەتەورولوگيالىق دەپارتامەنتى شىعىس ۋتتار-پرادەشتىڭ ءبىرقاتار اۋدانىندا قايتادان قاتتى جاڭبىر مەن نايزاعاي بولادى دەپ بولجادى.