Hyundai Motor Group ءوزىنىڭ Atria جۇرگىزۋشىگە كومەكتەسۋ پلاتفورماسىن 2027 جىلدىڭ سوڭىنان 2029 جىلدىڭ سوڭىنا شەگەردى. نارىقتا ۋاقىت جوعالتپاۋ ءۇشىن كومپانيا Nvidia-مەن بىرلەسىپ، نەعۇرلىم وزىق Level 2+ جانە Level 2++ جۇيەلەرىن 2028 جىلى شىعارادى، دەپ حابارلايدى infohub.kz سايتى.
ءوز باعدارلامالىق جاساقتاماسىنىڭ ورنىنا — Nvidia. Hyundai وسى جۇيەلەرگە ارنالعان تەحنولوگيالاردى Nvidia-مەن بىرلەسىپ ازىرلەيدى، ال كولىكتەردەن جينالعان دەرەكتەردى ءوزىنىڭ Atria جۇيەسىن وقىتۋ مەن جەتىلدىرۋگە پايدالانباق. وسىلايشا، كومپانيا ازىرلەۋدەن باس تارتپاي، ىشكى رەسۋرستارىن ۇزاق مەرزىمدى ماقساتقا شوعىرلاندىرۋ ءۇشىن ءۇزىلىس جاساپ وتىر.
«Nvidia-مەن سەرىكتەستىگىمىز ءبىزدىڭ تاعدىرىمىزدى تولىق ولارعا تاپسىردىق دەگەندى بىلدىرمەيدى»، — دەدى Hyundai Motor Group-تىڭ جاڭا پرەزيدەنتى پاك مين ۋ، بۇرىن Nvidia-دا ۆيسە-پرەزيدەنت قىزمەتىن اتقارعان.
Level 2+ جۇيەلەرى نەگىزىنەن تاسجولدا جۇرۋگە باعىتتالادى، ال Level 2++ كۇردەلىرەك قالالىق جاعدايلاردا جۇمىس ىستەي الادى. الايدا ەكى تەحنولوگيا دا جۇرگىزۋشىنىڭ ۇنەمى باقىلاۋىن تالاپ ەتەدى.
Nvidia Hyperion 10 پلاتفورماسىنداعى كولىكتەر ءۇشىن باستاپقىدا قىمبات ليدارلارسىز كامەرالار، ۋلترادىبىستىق داچيكتەر مەن راداردى پايدالانۋ شەشىلدى. ال ليدار بەلگىلى ءبىر جاعدايلاردا قولدى رۋلدەن الۋعا مۇمكىندىك بەرەتىن بولاشاق Level 3 جۇيەلەرى ءۇشىن قاراستىرىلۋدا.
Hyundai مەن Kia دەرەكتەر جيناۋ ءۇشىن ءوزىنىڭ جاھاندىق اۆتوپاركىن پايدالانباق. كومپانيا 2033 جىلعا قاراي اۆتونومدى جۇرگىزۋ تەحنولوگيالارىن وقىتۋعا ارنالعان جيناقتالعان اقپارات كولەمى بويىنشا باسەكەلەستەردەن وزىپ كەتۋدى ماقسات ەتىپ وتىر.
بۇعان دەيىن كۋرسيۆ اۆتو جاڭا Hyundai Elantra Hybrid قۋاتتىراق ءارى 10%-عا ۇنەمدى بولعانىن جازعان ەدى.