وڭتۇستىك كورەيانىڭ Hyundai جانە Kia اۆتوكولىك وندىرۋشىلەرى Plasma Care UVC دەپ اتالاتىن يننوۆاسيالىق تەحنولوگيانى ۇسىندى. بۇل تەحنولوگيا جولاۋشىلار ىشىندە وتىرعان كەزدە دە، ءتىپتى كولىك قوزعالىپ كەلە جاتقاندا دا سالوندى زالالسىزداندىرۋعا مۇمكىندىك بەرەدى. ازىرلەمە تولقىن ۇزىندىعى 200–230 نم بولاتىن الىس ۋلتراكۇلگىن ساۋلەسىن (Far-UVC) پايدالانادى جانە جاعىمسىز يىستەردى ازايتۋعا دا كومەكتەسەدى، دەپ حابارلايدى infohub.kz سايتى.
تەحنولوگيانىڭ نەگىزىنە تولقىن ۇزىندىعى 200–230 نم ساۋلەلەنۋ جاتىر. ازىرلەۋشىلەردىڭ مالىمەتىنشە، مۇنداي ۋلتراكۇلگىن ۆيرۋستار مەن باكتەريالاردى ءتيىمدى جويادى، ءبىراق تەرىنىڭ جوعارعى قاباتىنا ءىس جۇزىندە ەنبەيدى جانە كوزگە ءقاۋىپ توندىرمەيدى.
ينجەنەرلەر اۆتوكولىك ءۇشىن دىرىلگە جانە تەمپەراتۋرانىڭ وزگەرۋىنە ءتوزىمدى ىقشام پلازمالىق شام جاسادى. ول سونداي-اق ساۋلەلەنۋ دياپازونىن باقىلايتىن ارنايى وپتيكالىق سۇزگىمەن جابدىقتالعان.
سىناقتار بارىسىندا 30 مينۋت ىشىندە اۋاداعى ۆيرۋستار سانى 96،8%-عا ازايدى. جەكە زەرتحانالىق سىناقتا پنەۆمونيا تۋدىراتىن باكتەريالار 30 سەكۋند ىشىندە 99،9%-عا جويىلدى. Kia PV5 ۇلگىسىندە سىناق كەزىندە جۇيە 40 مينۋت ىشىندە ىشەك تاياقشاسىنىڭ 99،9%-ىن جويدى.
ازىرگە Plasma Care UVC زەرتتەۋ جوباسى بولىپ قالىپ وتىر. Hyundai مەن Kia تەحنولوگيانى سەريالىق كولىكتەرگە ورناتۋدى قاراستىرماس بۇرىن، ونىڭ تيىمدىلىگى مەن قاۋىپسىزدىگىن حالىقارالىق ستاندارتتارعا سايكەس تەكسەرە بەرەدى.