بولاشاق Hyundai Tucson N بەيرەسمي رەندەرلەردە كورسەتىلدى، دەپ حابارلايدى infohub.kz سايتى.
Hyundai بەسىنشى بۋىن Tucson-نىڭ N يندەكسىمەن تولىققاندى سپورتتىق نۇسقاسىن دايىنداپ جاتىر. ازىرگە كومپانيا مودەلدىڭ سىرتقى كەلبەتىن جاريالاعان جوق، ءبىراق ونى اۆتوموبيل ديزاينەرى نيكيتا چۋيكونىڭ رەندەرلەرى ارقىلى ەلەستەتۋگە بولادى. كروسسوۆەر شامامەن 300 ات كۇشى بار گيبريدتى قوندىرعىمەن جابدىقتالادى دەپ كۇتىلۋدە.
بەيرەسمي رەندەرلەردە كروسسوۆەر اگرەسسيۆتى الدىڭعى بامپەر، قارا ارلەۋ ەلەمەنتتەرى، ۇلكەن دوڭگەلەك ديسكىلەرى جانە كۋزوۆ تۇسىنە بويالعان دوعا كەڭەيتكىشتەرىنە يە بولدى. ارتقى جاعىندا سپورتتىق بامپەر جانە ەكى دوڭگەلەك شىعارۋ جۇيەسىنىڭ پاترۋبكاسى پايدا بولدى.
باستى ينتريگا – تەحنيكا. الدىن الا مالىمەتتەر بويىنشا، Hyundai Tucson N 1،6 ليترلىك تۋربوقوزعالتقىش پەن ارتقى وستەگى ەلەكترقوزعالتقىشقا نەگىزدەلگەن گيبريدتى جۇيەمەن جابدىقتالادى. جالپى قۋات شامامەن 300 ات كۇشىن قۇرايدى. سالىستىرۋ ءۇشىن، قازىرگى Tucson HEV 1.6T 235 ات كۇشىن دامىتادى. وسىلايشا، جاڭا N-نۇسقاسى ستاندارتتى گيبريدتەن ايتارلىقتاي قۋاتتىراق بولۋى مۇمكىن.
بۇعان دەيىن Tucson-نىڭ تولىققاندى N نۇسقاسى بولماعان. ءۇشىنشى جانە ءتورتىنشى بۋىندار تەك N Line سپورتتىق موديفيكاسياسىندا ۇسىنىلعان.
Tucson N پرەمەراسى 2027 جىلى كۇتىلۋدە. ناقتى سيپاتتامالار مەن سەريالىق كولىكتىڭ ديزاينىن Hyundai ازىرگە قۇپيا ۇستاپ وتىر.
بۇعان دەيىن كۋرسيۆ اۆتو Hyundai 2030 جىلعا دەيىن 100-دەن استام جاڭا مودەل شىعاراتىنىن حابارلاعان بولاتىن.