Hyundai Tucson كروسسوۆەرىنىڭ بەسىنشى بۋىنى وڭتۇستىك كورەيا جولدارىندا العاش رەت كامەرا وبەكتيۆىنە ءتۇسىپ، كولىك كامۋفلياجدىق پلەنكادان تولىق بوساتىلعان. جاريالانعان كادرلارعا قاراعاندا، جاڭا مودەل الدىڭعىسىنان ايتارلىقتاي ۇلكەيىپ، مۇلدەم جاڭا ديزاينعا يە بولعان، دەپ حابارلايدى infohub.kz سايتى.
جاڭا Tucson تۋرالى بەينەروليكتى ShortsCar YouTube ارناسىنىڭ اۆتورلارى جاريالادى. كادرلاردا كولىكتىڭ Hyundaiء-دىڭ رەسمي سۋرەتتەرىندە كورسەتىلگەننەن گورى قاراپايىم كومپلەكتاسيادا ەكەنىن كورۋگە بولادى — بۇعان دوڭگەلەك ديسكىلەرىنىڭ ديزاينى مەن جابدىقتالۋى دالەل.
ەڭ باستى وزگەرىس — Art of Steel فيرمالىق ستيلىندەگى مۇلدەم جاڭا سىرتقى كەلبەت. سونىمەن قاتار، بەسىنشى بۋىن الدىڭعىسىنان تەك ديزاينىمەن عانا ەمەس، ۇلكەيتىلگەن ولشەمدەرىمەن دە ەرەكشەلەنەدى.
كروسسوۆەردىڭ ۇزىندىعى 4700 مم-گە جەتتى، بۇل بۇرىنعىدان 60 مم-گە ارتىق. دوڭعالاق بازاسى 30 مم-گە ۇلعايىپ، 2785 ءمم-دى قۇرادى. ەنى بىردەن 40 مم-گە ارتىپ، ءقازىر 1905 مم بولسا، بيىكتىگى 20 مم-گە ءوسىپ، 1685 مم-گە جەتتى.
ۇلكەيتىلگەن ولشەمدەردىڭ ارقاسىندا Hyundai ىشكى كەڭىستىكتىڭ كوبەيەتىنىن ۋادە ەتەدى. اتاپ ايتقاندا، ەكىنشى قاتارداعى جولاۋشىلارعا باس ۇستىندەگى كەڭىستىك 29 مم-گە قوسىلدى.
Hyundai ازىرگە جاڭا Tucson-نىڭ تەحنيكالىق سيپاتتامالارىن اشقان جوق. كروسسوۆەردىڭ ءارتۇرلى نارىقتاردا قانداي قوزعالتقىشتار مەن گيبريدتى قوندىرعىلار الاتىنى بەلگىسىز.
تولىعىراق اقپارات رەسمي تۇساۋكەسەر كەزىندە كۇتىلەدى، ول شامامەن 2026 جىلدىڭ ءۇشىنشى توقسانىندا وتەدى دەپ بولجانۋدا.
بۇعان دەيىن كۋرسيۆ اۆتو Hyundaiء-دىڭ Tucson 2027ء-نىڭ العاشقى رەسمي فوتوسۋرەتتەرىن جاريا ەتكەنىن حابارلاعان بولاتىن.