ىبىراي التىنسارين «قازاق حرەستوماتياسى»

قازاق ادەبيەتى 9 سىنىپ
ساباقتىڭ تاقىرىبى: ىبىراي التىنسارين «قازاق حرەستوماتياسى»
ساباقتىڭ ماقساتى: ا) ى. ءالتىنساريننىڭ ءومىرى مەن ەڭبەكتەرىنە توقتالا وتىرىپ، اڭگىمەنىڭ يدەيالىق مازمۇنىنا تالداۋ، وقۋشىلارعا ويلاندىراتىن ساۋال بەرە وتىرىپ، پىكىرىن تىڭداۋ، قورىتىندى جاساۋ؛
ءا) بىلىمدىلىك تانىمىن، شىعارماشىلىق قابىلەتىن، تىلدىك قورىن، ىزدەنىستەرىن ارتتىرۋ؛
ب) ەڭبەكسۇيگىشتىككە، ماماندىق تاڭداي بىلۋگە، ادامگەرشىلىككە، ۇقىپتىلىققا تاربيەلەۋ.
ساباقتىڭ ءتۇرى: جاڭا ساباق (تانىمدىق ساباق)
ساباقتىڭ ءادىسى: سىن تۇرعىسىنان ويلاۋ (وي قوزعاۋ، توپتاستىرۋ)
ساباقتىڭ كورنەكىلىگى:، بۇكتەمەلەر، ينتەراكتيۆتى تاقتا، سلايدتار
ءپانارالىق بايلانىس: تاريح، ەڭبەك، ماتەماتيكا

ساباقتىڭ بارىسى: ا) ۇيىمداستىرۋ كەزەڭى:
وقۋشىلارمەن امانداسۋ، تۇگەلدەۋ، وقۋ قۇرالدارىن تەكسەرۋ. سىنىپتىڭ تازالىعىنا كوڭىل ءبولۋ. وقۋشىلاردىڭ زەيىنىن ساباققا اۋدارۋ.

ءا) ءۇي تاپسىرماسىن پىسىقتاۋ:
ۇيگە بەرىلگەن تاپسىرمانى سۇرايمىن. وقۋشىلارعا وتكەن تاپسىرما بويىنشا بىرنەشە سۇراقتار قويامىن.
ساندار سويلەگەندە: 1887ج. 1879. 1864. 14. 1860ج. 1859. 1857ج. 1879ج.
1841ج. 30. 1850ج.
ب) جاڭا ساباقتى ءتۇسىندىرۋ
جانىن سالا ۇمتىلدى،
بولاشاقتىڭ تاڭىنا
قيالداپ قانا قويعان جوق،
ماي تامىزىپ وت بەردى،
وي – سانانىڭ شامىنا.
م. حاكىمجانوۆا
ىبىراي التىنسارين قازاق بالالارىنا ءبىلىم مەن تاربيەنىڭ نەگىزگى كوزى – وقۋلىق دەپ قاراپ، مازمۇنى بالا تابيعاتىنا جاقىن، تاقىرىبى تانىس ءارى قىزىقتى كىتاپ شىعارۋ كەرەك دەپ ءتۇسىندى. 1876 جىلدان «قازاق حرەستوماتياسىن» جازۋعا كىرىسەدى. حرەستوماتيا 1879 جىلى، ورىنبوردا باسىلادى. ىبىراي التىنسارين 1846 جىلى ي. ن يلمينسكيگە جازعان حاتىندا: «تاتار تىلىندە جازىلعان كىتاپتاردان قۇتىلۋ ءۇشىن، قازاق تىلىندە وقۋعا ارنالعان باستاۋىش كىتابىمدى كەشە عانا باستادىم»،- دەپ جازادى.
ىبىراي التىنسارين ادامدىق قاسيەتتەر جونىنەن اڭگىمەلەر كىرگىزدى. كوبىن ءوزى جازدى، ءبىرقاتارىن سول كەزدەگى ورىس وقۋلىقتارىنان ەل تۇرمىسىنا لايىقتاپ اۋداردى. «قازاق حرەستوماتياسى» ورىس ءالىپبيى نەگىزىندە جازىلدى.
ىبىراي التىنسارين «قازاق حرەستوماتياسى» جۇكتەۋ
ىبىراي التىنسارين «قازاق حرەستوماتياسى» سلايد جۇكتەۋ