بەلگىلى كومپوزيتور يگور كرۋتوي الەۋمەتتىك جەلىلەردە ناعىز دوستىق تۋرالى جاڭا ءاننىڭ تۇساۋكەسەرىن جاريالادى، دەپ حابارلايدى infohub.kz سايتى.
ماەسترونىڭ جاڭا تۋىندىسى «جاقىن دوس» دەپ اتالادى. ونىڭ ءۇزىندىسىن ول جانكۇيەرلەرىنە ۇسىندى، سونداي-اق ەۆگەني ەۆتۋشەنكونىڭ دوستىق تۋرالى ولەڭدەرىنەن ءۇزىندى كەلتىردى. «رەليز جاقىن ارادا»، — دەپ اتاپ ءوتتى كرۋتوي.
جانكۇيەرلەر جاڭا ءاننىڭ العاشقى ءۇزىندىسىن بىردەن جوعارى باعالاپ، ءاننىڭ شىعۋىن اسىعا كۇتەتىندەرىن ءبىلدىردى. «يگور ياكوۆلەۆيچ، شىعارماشىلىعىڭىزعا راحمەت. ءسىز ۇلكەن ارىپپەن جازىلاتىن ادامسىز»، «ماەسترو ءارقايسىمىزعا دوستىق تۋرالى جەكە وقيعا ايتىپ تۇرعانداي اسەر قالدىرادى»، «كەرەمەت، سۋپەر»، «تاماشا تۋىندىلارىڭىزبەن قۋانتا بەرىڭىز، راحمەت»، «ەڭ ۇزدىك كومپوزيتور، ءسىز — اڭىزسىز»، — دەپ جازدى وعان جانكۇيەرلەرى.
يگور كرۋتوي ءارقاشان جازىلۋشىلارىنا جىلى سوزدەرمەن جاۋاپ بەرۋگە تىرىسادى. قازاقستاندىق ءبىر جانكۇيەر دە ونىڭ جاريالانىمىنا ءوز پىكىرىن قالدىردى. «مەنىڭ سۇيىكتىم. قاراعاندىدان سالەم»، — دەپ جازدى ايەل. «قاراعاندىعا سالەم جولدايمىن»، — دەپ جاۋاپ بەردى وعان كرۋتوي جانە « قىزىل جۇرەكشە» مەن «قول الىسۋ» ەمودزيلەرىن قوستى.
ەسكە سالايىق، ديماش يگور كرۋتويدى 72 جاسقا تولۋىمەن الەۋمەتتىك جەلىدە قۇتتىقتاعان بولاتىن. سونداي-اق Alex Lim ماەستروعا ارناپ تەبىرەنتەتىن جولدار ارنادى.