اقش-تا جاستار اراسىندا پسيحيكالىق دەنساۋلىقتى قولداۋ ءۇشىن جاساندى ينتەللەكتىسى بار چات-بوتتاردى قولدانۋ قارقىندى وسۋدە. گارۆارد مەديسينا مەكتەبىنىڭ ساۋالناماسىنا سايكەس، ءبىر جىل ىشىندە پسيحولوگيالىق كومەك الۋ ءۇشىن يي-گە جۇگىنەتىن جاستاردىڭ ۇلەسى 60 پايىزعا ارتقان، دەپ حابارلايدى infohub.kz.
گارۆارد-پيليگريم دەنساۋلىق ساقتاۋ ينستيتۋتىنىڭ دوسەنتى حاو ءيۋيدىڭ جەتەكشىلىگىمەن جۇرگىزىلگەن زەرتتەۋ كورسەتكەندەي، ءبىر جىل بۇرىن نەيروجەلىلەرگە رەسپوندەنتتەردىڭ سەگىزدەن ءبىرى جۇگىنسە، ەندى يي-دەن پسيحولوگيالىق كەڭەس الاتىندار ءاربىر بەسىنشى (شامامەن 20 پايىز) بولدى. ساۋالناماعا 12 بەن 21 جاس ارالىعىنداعى 1727 ادام قاتىستى. ناتيجەلەر كورسەتكەندەي، بۇل تەحنولوگياعا كوبىنەسە قىزدار مەن جوعارى سىنىپ وقۋشىلارى جۇگىنەدى. سونىمەن قاتار، سۇرالعانداردىڭ كوپشىلىگى ءيي-دى قولدانۋ فاكتىسىن اتا-انالارى مەن دارىگەرلەردەن جاسىرادى.
حاو ءيۋيدىڭ ايتۋىنشا، چات-بوتتار اقش-تاعى پسيحيكالىق دەنساۋلىق داعدارىسى اياسىندا ماماندار تاپشىلىعىن تولتىرۋعا كومەكتەسەدى. دەگەنمەن، عالىم الگوريتمدەر بەرەتىن ۇسىنىستاردىڭ قاۋىپسىزدىگىن باقىلاۋ قاجەتتىگىن اتاپ ءوتتى.