قازاقستان رەسپۋبليكاسى ىشكى ىستەر مينيسترلىگىنىڭ ۇيىمداسقان قىلمىسقا قارسى كۇرەس دەپارتامەنتىنىڭ ءۇشىنشى باسقارماسىنىڭ باستىعى سامات كۋسەتوۆ ورتالىق كوممۋنيكاسيالار قىزمەتىندە وتكەن دوڭگەلەك ۇستەل بارىسىندا ازاماتتاردى شەتەلگە جۇمىسقا ورنالاسۋ كەزىندەگى الاياقتىق سحەمالار تۋرالى ەسكەرتتى، دەپ حابارلايدى infohub.kz سايتى.
كۋسەتوۆتىڭ ايتۋىنشا، ادام ساۋداسىنا قارسى كۇرەستى بارلىق ۋاكىلەتتى ورگاندار، ونىڭ ىشىندە ينتەرپولدىڭ كومەگىمەن جۇرگىزەدى. ول ادال جۇمىس بەرۋشىنىڭ ەشقاشان Telegram جانە WhatsApp مەسسەندجەرلەرى ارقىلى قىزمەتكەر ىزدەمەيتىنىن جانە ەڭ الدىمەن پاسپورتتى تالاپ ەتپەيتىنىن ەرەكشە اتاپ ءوتتى. «ول ەڭ الدىمەن ءبىلىمى تۋرالى قۇجاتتاردى، ءتىل ءبىلۋى تۋرالى سۇرايدى. سوندىقتان ازاماتتارىمىزدى الاياقتاردىڭ ايلاسىنا الدانباۋعا شاقىرامىن»، — دەپ شاقىردى ءىىم وكىلى.
سول كۇنى قازاقستان سىرتقى ىستەر مينيسترلىگىنىڭ ارنايى تاپسىرمالار جونىندەگى ەلشىسى ستانيسلاۆ ۆاسيلەنكو قازاقستاندىقتاردىڭ حالىقارالىق ادام ساۋداگەرلەرىنىڭ قۇربانى بولعان جاعدايلارى تۋرالى حابارلادى.