قازاقستان ىشكى ىستەر مينيسترلىگى ازاماتتارعا الاياقتىق SMS-حابارلامالار تاراتىلىپ جاتقانى تۋرالى ەسكەرتتى. بۇل حابارلامالاردا ابيتۋريەنتتەرگە ءىىم-نىڭ ۆەدومستۆولىق وقۋ ورىندارىنا قابىلدانعانى تۋرالى جالعان اقپارات بەرىلەدى، دەپ حابارلايدى infohub.kz سايتى.
مينيسترلىك بۇل حابارلامالاردىڭ ۆەدومستۆوعا قاتىسى جوق جانە جالعان ەكەنىن مالىمدەدى. ءىىم جوعارى وقۋ ورىندارىنا قابىلداۋ ناۋقانى ءالى اياقتالماعان: كونكۋرستىق ىرىكتەۋدىڭ بارلىق كەزەڭدەرى جالعاسۋدا، ال قۇجاتتاردى قابىلداۋ بەلگىلەنگەن مەرزىمدە — 15-25 شىلدە ارالىعىندا جۇزەگە اسىرىلۋدا.
قورىتىندى ناتيجەلەر بارلىق كەزەڭدەر اياقتالىپ، قابىلداۋ كوميسسيالارى شەشىم قابىلداعاننان كەيىن عانا بەلگىلى بولادى. ابيتۋريەنتتەر ولاردى تەك Qyzmet police اقپاراتتىق جۇيەسىندەگى جەكە كابينەت ارقىلى بىلە الادى.
ءىىم Qyzmet police جۇيەسى قابىلداۋ تۋرالى SMS-حابارلامالار جىبەرمەيتىنىن ەرەكشە اتاپ ءوتتى. ۆەدومستۆو مۇنداي حابارلامالارعا سەنبەۋگە، ولارداعى سىلتەمەلەرگە وتپەۋگە، جەكە دەرەكتەردى ءۇشىنشى تۇلعالارعا بەرمەۋگە جانە تەك رەسمي اقپارات كوزدەرىن پايدالانۋعا شاقىرادى.