2026 جىلدىڭ ءبىرىنشى جارتىجىلدىعىندا وزبەكستاننان قازاقستانعا تۇراقتى تۇرۋعا كەلگەن يمميگرانتتار سانى وتكەن جىلدىڭ سايكەس كەزەڭىمەن سالىستىرعاندا ەكى ەسەگە ازايىپ، 2 894 ادامدى قۇرادى، دەپ حابارلايدى infohub.kz سايتى.
بۇل سوڭعى بەس جىلداعى ءبىرىنشى جارتىجىلدىقتاعى ەڭ تومەنگى كورسەتكىش. رەسمي ستاتيستيكادا يمميگرانتتارعا تۇراقتى تۇرۋ ەلىن اۋىستىرىپ، قازاقستاندا تۇرۋ ورنى بويىنشا تىركەلگەن شەتەلدىكتەر مەن ازاماتتىعى جوق ادامدار جات قىزىلادى.
الدىڭعى جىلدارى بۇل كورسەتكىش بىركەلكى وزگەرگەن جوق. 2022 جىلدىڭ قاڭتار-ماۋسىمىندا وزبەكستاننان كەلگەندەر سانى جىلدىق ماندە 132%-عا، 2024 جىلى 51%-عا، ال 2025 جىلدىڭ ءبىرىنشى جارتىجىلدىعىندا تاعى 18%-عا وسكەن.
ناتيجەسىندە، سوڭعى ءتورت جىلدا ءبىرىنشى جارتىجىلدىقتاعى وزبەكستاننان كەلگەن يمميگرانتتار سانى 3 مىڭ ادامنان اسىپ وتىرعان. ءقازىر كورسەتكىش 2022 جىلعا دەيىنگى دەڭگەيگە جاقىندادى.
DATA HUB دەرەكتەرىنە سايكەس، قاڭتار-ماۋسىمدا وزبەكستاننان كەلگەندەردىڭ 69%-ى قازاقتار. ولار كوبىنەسە الماتى جانە ماڭعىستاۋ وبلىستارىن تاڭداعان — 60% وسى ايماقتارعا تيەسىلى. تاعى 18% يمميگرانت الماتى مەن استانادا قونىستانعان.
كەلگەندەر سانىنىڭ ازايۋىنا قاراماستان، قازاقستان مەن وزبەكستان اراسىنداعى كوشى-قون سالدوسى وڭ بولىپ قالۋدا. سەبەبى قازاقستاننان وزبەكستانعا تۇراقتى تۇرۋعا كەتەتىندەردىڭ سانى شامالى.
بۇعان دەيىن «كۋرسيۆ» ءىىم شەتەلدىكتەر مەن ازاماتتىعى جوق ادامدار ءۇشىن قازاقستانعا كىرۋگە اقىلى ەلەكتروندى رۇقسات ەنگىزۋدى ۇسىنعانىن جازعان. جۇيەنى 2026 جىلدىڭ تامىزىنان جەلتوقسانىنا دەيىن كەزەڭ-كەزەڭىمەن ەنگىزۋ جوسپارلانۋدا، ال قاۋلى جوباسى 17 تامىزعا دەيىن قوعامدىق تالقىلاۋدا بولادى.