يندونەزيا ازاماتى، تەڭىزشى، سينگاپۋر سوتىنىڭ شەشىمىمەن تەرموستا جاسىرىلعان افريكالىق ءپىلدىڭ ازۋىن ەلگە الىپ كىرمەك بولعانى ءۇشىن سەگىز اپتاعا باس بوستاندىعىنان ايىرىلدى. بۇل تۋرالى infohub.kz سايتى حابارلايدى.
The Straits Times باسىلىمىنىڭ جازۋىنشا، 30 جاستاعى حافيلۋدين 2026 جىلعى 9 تامىزدا كەپپەل باقىلاۋ-وتكىزۋ پۋنكتىنەن ءوتىپ بارا جاتقاندا ۇستالعان. جۇكتى جوسپارلى رەنتگەندىك تەكسەرۋ كەزىندە يمميگراسيا جانە چەكپوينتتەر باسقارماسىنىڭ قىزمەتكەرلەرى ونىڭ تەرموسىنىڭ ىشىنەن كۇدىكتى زات بايقاعان.
ۇزىندىعى 27 سانتيمەتر، سالماعى 550 گرامم ازۋىدى كولباعا سىيعىزۋ ءۇشىن ەر ادام ونىڭ كورپۋسىنىڭ ءبىر بولىگىن الدىن الا كەسىپ تاستاعان.
باسىلىم دەرەگىنشە، ۇستالعان ادام قۇندى زاتتى 2025 جىلدىڭ جەلتوقسانىندا كەمە لاگوس (نيگەريا) پورتىندا تۇرعاندا ساتىپ العان. ونىڭ ايتۋىنشا، ول قاڭعىباس ساۋداگەرگە 150 اقش دوللارىن تولەپ، كادەسىيدى اكەسىنە سىيلاماق بولعان.
العاشقى جاۋاپ الۋ كەزىندە تەڭىزشى وفيسەرلەرگە تابىلعان زات سيگارا شەگۋگە ارنالعان پلاستيك قۇرىلعى ەكەنىن سەندىرمەك بولعان، الايدا زەرتحانالىق ساراپتاما ءپىل سۇيەگىنىڭ تابيعي ەكەنىن راستادى.
سينگاپۋردە سيرەك كەزدەسەتىن جانۋارلار مەن وسىمدىكتەردىڭ حالىقارالىق ساۋداسىن رەتتەيتىن قاتاڭ زاڭ قولدانىلادى. CITES كونۆەنسياسىمەن قورعالاتىن ۇلگىلەردى ارنايى رۇقساتسىز اكەلۋگە ارەكەتتەنۋ التى جىلعا دەيىن باس بوستاندىعىنان ايىرۋ نەمەسە ءىرى كولەمدەگى ايىپپۇل سالۋ جازاسىن كوزدەيدى. ناتيجەسىندە ەر ادام جويىلىپ بارا جاتقان تۇرلەردى يمپورتتاۋ جانە ەكسپورتتاۋ تۋرالى زاڭ بويىنشا كىنالى دەپ تانىلدى.