2026 جىلى قازاقستانداعى قالاارالىق باعىتتارداعى اپاتتاردىڭ 66 پايىزى جۇرگىزۋشىلەردىڭ كىناسىنەن بولعان. inDrive نەگىزگى فاكتورلار رەتىندە جىلدامدىقتى اسىرۋدى، كولىك باقىلاۋىن جوعالتۋدى، قاشىقتىقتى ساقتاماۋدى جانە ءقاۋىپتى مانەۆرلەردى اتايدى. وسىعان بايلانىستى سەرۆيس ەلدىڭ تۇكپىر-تۇكپىرىنەن كەلگەن 100-دەن استام جۇرگىزۋشىگە قاۋىپسىزدىك بويىنشا وفلاين ترەنينگ وتكىزدى، دەپ حابارلايدى infohub.kz.
ق ر كولىك مينيسترلىگىنىڭ دەرەگىنشە، قازاقستانداعى جول-كولىك وقيعالارىنىڭ 91 پايىزى جول قوزعالىسى ەرەجەلەرىن ورەسكەل بۇزۋدان بولادى. قالاارالىق باعىتتاردا نەگىزگى قاۋىپتەرگە شارشاۋ مەن ميكروۇيقى قوسىلادى، بۇل جۇرگىزۋشىنىڭ زەيىنىن بىرتىندەپ جوعالتۋىنا اكەلۋى مۇمكىن.
ترەنينگتە جۇرگىزۋشىلەرگە ءقاۋىپسىز جىلدامدىق پەن قاشىقتىق، رۋلدە تەلەفون قولدانۋ، شارشاۋ بەلگىلەرى جانە ۇزاق ساپارلاردا ءۇزىلىس جاساۋ قاجەتتىگى ەسكە سالىندى. سونداي-اق، ساپاردان باس تارتۋ نەمەسە ونى توقتاتۋ ءقاۋىپسىز بولاتىن جاعدايلار تالقىلاندى.
جەكە تاقىرىپ رەتىندە جولاۋشىلارمەن جانجالدار مەن جەكە شەكارالار قاراستىرىلدى. ءقاۋىپ تونگەن جاعدايدا قوسىمشادا SOS باتىرماسى مەن تاۋلىك بويى جۇمىس ىستەيتىن قولداۋ قىزمەتى بار.
وقىتۋ قاۋىپسىزدىكتىڭ تەحنولوگيالىق شارالارىن تولىقتىرادى. كومپانيا 30-دان استام قۇرالدى قولدانادى، ونىڭ ىشىندە جىلدامدىقتى اسىرۋ مەن شارشاۋ بەلگىلەرىن باقىلاۋ، سونداي-اق جانجالدى جاعدايلاردى تالداۋ ءۇشىن ساپارلاردىڭ اۋديوجازباسى بار. جۇرگىزۋشىلەر مەن كولىكتەر تۇراقتى تۇردە كوپ ساتىلى باقىلاۋدان وتەدى: قۇجاتتار مەن تەحنيكالىق قىزمەت كورسەتۋ تەكسەرىلەدى، فوتوباقىلاۋ جۇرگىزىلەدى.
سوڭعى ءبىر جىلدا inDrive جۇرگىزۋشىنى نەمەسە كولىكتى اۋىستىرۋ، سونداي-اق پايدالانۋعا تىيىم سالىنعان وڭ ءرۋلدى كولىكتەردى قولدانۋ سالدارىنان 33 مىڭعا جۋىق اككاۋنتتى ءوشىردى. ساپارلار ساقتاندىرىلعان: جۇرگىزۋشى مەن جولاۋشىلاردىڭ ءومىرى مەن دەنساۋلىعى ءار ساپارعا 4 ملن تەڭگەگە دەيىن قامتىلادى.
كومپانيادا وقىتۋ قاۋىپسىزدىك بويىنشا تۇراقتى جۇمىستىڭ بولىگىنە اينالعانىن جانە وقيعالاردى باقىلاۋ مەن ارەكەت ەتۋ تەحنولوگيالارىن تولىقتىرۋى ءتيىس ەكەنىن اتاپ ءوتتى.