يسپانيالىق لا ليگا پرەزيدەنتى حاۆەر تەباس حالىقارالىق فۋتبول فەدەراسياسىنىڭ (فيفا) باسشىسى دجانني ينفانتينونى قاتتى سىنعا الدى. ونىڭ پىكىرىنشە، ينفانتينو لاۋازىمىنان كەتۋى كەرەك، دەپ حابارلايدى infohub.kz سايتى «چەمپيوناتقا» سىلتەمە جاساپ.
تەباستىڭ ايتۋىنشا، ينفانتينو كەتۋى كەرەك، ءبىراق جاقىن ارادا بۇل بولمايدى. La Gazzetta dello Sport باسىلىمىنا بەرگەن سۇحباتىندا (اۋدارماسىن «چەمپيونات» كەلتىرگەن) ول بىلاي دەدى: «مەنىڭ ويىمشا، ونىڭ ۋاقىتى ءوتتى. الايدا وعان جۇيە مەن فەدەراسيالار قولداۋ كورسەتىپ وتىر، سوندىقتان قوسارىم از، دۇرىس پا؟ وپپوزيسيادان ۇمىتكەر جوق، ەشكىم جەڭىلۋ ءۇشىن سايلاۋعا تۇسكىسى كەلمەيدى. بۇل جۇيە – ول ءتۇپ-تامىرىنان شىرىگەن. ينفانتينو بيلىكتە قالماۋى كەرەك، ءبىراق قازىرگى جاعدايدا ول كەتپەيدى. سوڭعى بىرنەشە كۇندە ينفانتينوعا قارسى شىققان كوپتەگەن ادامداردى ەستىدىم، ولار ونىڭ ىستەپ جاتقاندارىمەن كەلىسپەيدى. ولار بۇل تۋرالى ايتادى، ءبىراق ەشتەڭە ىستەمەيدى. قايسىسى جامان ەكەنىن بىلمەيمىن – ۇنسىزدىك پە، الدە بىرلەسىپ ىستەۋ مە، ويتكەنى ءۇنسىز قالعاندار فۋتبولعا قانداي زيان كەلتىرىپ جاتقانىن جاقسى بىلەدى».
بۇگىن New York Post گازەتى اقش پرەزيدەنتى دونالد ترامپتىڭ فيفا باسشىسى دجانني ينفانتينونى بىرىككەن ۇلتتار ۇيىمىنىڭ باس حاتشىسى لاۋازىمىنا ۇسىنۋ مۇمكىندىگىن قاراستىرىپ جاتقانىن حابارلادى.