ىنتىماق مەرەكەسى

ۇيىمداستىرىلعان وقۋ ءىس – ارەكەتىنىڭ تەحنولوگيالىق كارتاسى

ءبىلىم بەرۋ سالاسى: قاتىناس
ءبولىمى: ءتىل دامىتۋ. تاربيەشى: احمەتكاليەۆا م. ب.
تاقىرىبى: ىنتىماق مەرەكەسى.
ماقساتى: 1 مامىر قازاقستان حالقىنىڭ ىنتىماق كۇنى تۋرالى تۇسىنىك بەرۋ.
1 مامىر مەرەكەسى تۋرالى ولەڭدەر وقىتۋ ارقىلى ەستە ساقتاۋ قابىلەتتەرىن دامىتۋ.
ەلىمىزدە تۇراتىن ۇلتتاردى سىيلاۋعا، ولارمەن دوستىق قارىم - قاتىناستا بولۋعا تاربيەلەۋ.
كورنەكىلىكتەرى: مەرەكەگە ارنالعان سيۋجەتتى سۋرەتتەر.
كىرىسپە ءبولىم.
شاتتىق شەڭبەرىن قۇرۋ. دوڭگەلەنە تۇرىپ، «دوستىعىمىز جاراسقان» ءانىن ورىنداۋ. ءبىر - بىرىنە مەرەكەگە ارنالعان تىلەكتەر تىلەيدى.
نەگىزگى ءبولىم.
داپتەردەگى ۇلتتار دوستىعى بەينەلەنگەن سۋرەت ارقىلى جۇمىس جۇرگىزۋ. جۇمىس سۇراق - جاۋاپ، كورنەكىلىك، ءتۇسىندىرۋ ادىستەرى ارقىلى وتەدى.

سوزدىك جۇمىسىن جۇرگىزۋ.
ىنتىماق – ادامدار اراسىنداعى بىرلىك.
مەرەكە – سالتاناتتى توي، مەيرام.

تاربيەشى قازاقستان رەسپۋبليكاسىندا تۇرىپ جاتقان حالىقتاردىڭ تۇرمىسى مەن مادەنيەتى جايلى قىسقاشا تۇسىندىرەدى.
1 مامىر – قازاقستان حالقىنىڭ بىرلىگى مەن دوستىعىن پاش ەتەتىن ايتۋلى مەرەكە. ەلىمىزدەگى ۇلتتار مەن ۇلىستاردىڭ دوستىعى مەن بىرلىگى، تاتۋلىعى مەن ىنتىماعى وزگە ەلدەرگە ونەگە بولارلىقتاي. زامانىندا قازاقتىڭ دارحان دالاسى كوپتەگەن ۇلتتارعا پانا، قامقور بولدى. سونىڭ ناتيجەسىندە قازاق جەرى باۋىرلاستار مەكەنى، دوستىقتىڭ قۇتتى ۇياسى اتاندى. جۇرەكتەرى جومارت، الاقاندارى اشىق قازاقتار وزگە ۇلت وكىلدەرىمەن ءبىر انانىڭ بالاسىنداي عۇمىر كەشۋدە. «بىرلىك بار جەردە – تىرلىك بار»، «ىرىس الدى – ىنتىماق» دەيدى حالىق دانالىعى.

تاربيەشى س. وسپانوۆتىڭ دوستىق تۋرالى ولەڭىن داۋىستاپ وقيدى، مازمۇنىن تۇسىندىرەدى. ولەڭدى بالالارعا بىرنەشە قايتالاتتىرىپ جاتتاتادى.
ءبىز – بالدىرعان تەڭ باسقان،
دوس قۇشاعىن ەلگە اشقان.
تىلەگىمىز – بەيبىت كۇن،
اشىق بولسىن كەڭ اسپان!

ۇلتتار دوستىعىن بەينەلەيتىن سۋرەت سالدىرۋ.
ساباقتا العان بىلىمدەرى سۇراق - جاۋاپ ءادىسى ارقىلى پىسىقتالادى.

كۇتىلەتىن ناتيجە:
جۇيەلەيدى: ىنتىماق مەرەكەسى تۋرالى
قولدانادى: بەيبىتشىلىك تۋرالى ءوز ويلارىن ايتا بىلەدى.
تۇسىنەدى: ۇلكەندەردىڭ ەڭبەگىن قۇرمەتتەۋدى