بيىلعى جىلدىڭ جەتى ايىندا قازاقستاننىڭ ساۋدا جانە وعان قاتىستى سالالارعا تارتىلعان ينۆەستيسيا كولەمى 637،2 ملرد تەڭگەنى قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 22،3%-عا ارتىق، دەپ حابارلايدى infohub.kz.
ينۆەستيسيا ءوسىمىنىڭ ەڭ جوعارى قارقىنى سولتۇستىك قازاقستان جانە قاراعاندى وبلىستارىندا، شىمكەنتتە، قوستاناي وبلىسىندا، اباي وبلىسىندا، ماڭعىستاۋ وبلىسىندا جانە الماتىدا تىركەلدى.
ينۆەستيسيالىق بەلسەندىلىكتىڭ ەڭ ءىرى ورتالىعى — الماتى قالاسى، مۇندا جەتى اي ىشىندە 204،3 ملرد تەڭگە تارتىلعان. تۇركىستان وبلىسىندا ينۆەستيسيا كولەمى 88،7 ملرد تەڭگەنى قۇرادى.
ەكونوميكالىق قىزمەت تۇرلەرى بويىنشا ەڭ كوپ قارجى كوتەرمە جانە بولشەك ساۋداعا — 246،6 ملرد تەڭگە باعىتتالعان. سونداي-اق قارجى جانە ساقتاندىرۋ قىزمەتىنە، جىلجىمايتىن م ۇلىكتى جالعا بەرۋ جانە باسقارۋعا، عيماراتتارعا قىزمەت كورسەتۋ جانە اۋماقتاردى اباتتاندىرۋعا ايتارلىقتاي قاراجات سالىنعان.
مينيسترلىكتە جاڭا ينۆەستيسيالار ساۋدا ينفراقۇرىلىمىن دامىتۋعا، زاماناۋي ساۋدا فورماتتارىن كەڭەيتۋگە جانە كاسىپكەرلەر ءۇشىن قوسىمشا مۇمكىندىكتەر جاساۋعا باعىتتالاتىنىن اتاپ ءوتتى.
ساۋدا جانە ينتەگراسيا مينيسترلىگى اكىمدىكتەرمەن بىرلەسىپ، ينۆەستيسيا تارتۋ، جوبالاردى سۇيەمەلدەۋ جانە ساۋدا ينفراقۇرىلىمىن دامىتۋ جۇمىستارىن جالعاستىرۋدا.
بۇعان دەيىن قازاقستاندا ىشكى ساۋدانىڭ ءوسۋ قارقىنى باياۋلاگانى حابارلانعان بولاتىن: 2026 جىلعى قاڭتار-شىلدە قورىتىندىسى بويىنشا كورسەتكىش وتكەن جىلعى 8،6%-بەن سالىستىرعاندا 5،9%-عا وسكەن. بولشەك ساۋدا 4،1%-عا، كوتەرمە ساۋدا 6،7%-عا ۇلعايعان، ال ازىق-ت ۇلىك تاۋارلارىنىڭ ساتىلىمى ازىق-ت ۇلىك ەمەس تاۋارلارعا قاراعاندا ايتارلىقتاي جىلدام وسكەن.