كوپ جىلدار بويى باسپانا كەزەگىندە كۇتىپ شارشاعان قازاقستاندىقتار «ناۋرىز» يپوتەكالىق باعدارلاماسىن پايدالانىپ، پروسەستى جىلدامداتا الادى. بۇل تۋرالى ۇكىمەت وتىرىسىندا «وتباسى بانكى» باسقارما ءتورايىمى ءلاززات يبراگيموۆا مالىمدەدى، دەپ حابارلايدى infohub.kz سايتى.
يبراگيموۆانىڭ ايتۋىنشا، الداعى بەس جىلدا كەزەكتە تۇرعان 300 مىڭعا جۋىق قازاقستاندىق نەسيەلىك باسپانا الا الادى. الايدا جالدامالى تۇرعىن ۇيمەن جاعداي كۇردەلىرەك: بەرۋ قۇرىلىس قارقىنىنا بايلانىستى بولادى.
«بيىل قارقىن وتە جوعارى. 12 مىڭنان استام. وسى قارقىنمەن جۇرەتىن بولساق، بۇل ماسەلەنى 5–8 جىلدا شەشەمىز»، — دەدى يبراگيموۆا.
«وتباسى بانكى» باسشىسى باسپانانى تەزىرەك العىسى كەلەتىندەر ءۇشىن 7% مولشەرلەمەمەن «ناۋرىز» يپوتەكالىق باعدارلاماسى جۇمىس ىستەيتىنىن اتاپ ءوتتى. «ياعني، ءبىزدىڭ مىندەتىمىز — كوبىرەك ادامدى نارىقتىق باعدارلامالارعا اۋىستىرۋ. قىمباتىراق، ءبىراق تەزىرەك الۋعا بولادى. تابىسى تومەن ادامدار كوبىرەك كۇتەدى، ويتكەنى ولار تولەمنىڭ الدەقايدا تومەن بولعانىن قالايدى»، — دەپ ءتۇسىندىردى ول.
بۇعان دەيىن قازاقستاندا تامىز ايىنىڭ سوڭىنا دەيىن ايەلدەرگە ارنالعان «ۇماي» يپوتەكاسى ىسكە قوسىلاتىنى حابارلانعان بولاتىن.