يران سىرتقى ىستەر مينيسترلىگىنىڭ باسشىسى ابباس اراكچي تەگەراننىڭ امەريكا قۇراما شتاتتارىمەن ديپلوماتيالىق كەلىسسوزگە دە، جاڭا اسكەري قاقتىعىسقا دا بىردەي دايىن ەكەنىن مالىمدەدى، دەپ حابارلايدى infohub.kz سايتى.
ءمينيستردىڭ ايتۋىنشا، اقش-تىڭ تەگەرانعا قارسى كەزەكتى اگرەسسياسى بۇرىنعىداي-اق ناتيجەسىز بولادى.
«جاڭا اگرەسسيا باستالسا، ءبىز تولىق دايىنبىز. قانداي اگرەسسيا بولسا دا قارسى تۇرامىز، ءتىپتى قيامەت سوعىسى بولسا دا. سونىمەن قاتار ديپلوماتيالىق كەلىسسوزگە دە دايىنبىز. تاڭداۋ — پرەزيدەنت ترامپتىڭ قولىندا»، — دەدى اراكچي NBC تەلەارناسىنا بەرگەن سۇحباتىندا.
سىرتقى ساياسات ۆەدومستۆوسىنىڭ جەتەكشىسى يران داۋدى ديپلوماتيالىق جولمەن شەشۋگە تولىق دايىن ەكەنىن، ءبىراق ۆاشينگتون يراندىق جەتى تارماقتان تۇراتىن جوسپاردى قابىلداعان جاعدايدا عانا ەكەنىن اتاپ ءوتتى.
بۇعان دەيىن اقش پرەزيدەنتى دونالد ترامپ يراننىڭ ءبىر اپتالىق بىتىمگە كەلۋ تۋرالى ۇسىنىسىن اشىق تۇردە قابىلداماعان بولاتىن. الايدا تەگەرانعا تۇپكىلىكتى جاۋاپ ءالى جەتكىزىلگەن جوق.
سونىمەن قاتار يران پرەزيدەنتى جاقىندا تەگەران يادرولىق قارۋ جاساۋعا ۇمتىلمايتىنىن، ونى ازىرلەۋ ءدىني تۇرعىدان تىيىم سالىنعان نارسە ەكەنىن ايتقان.
«يادرولىق قارۋ جاساۋ — حارام»، — دەپ ءتۇسىندىردى پەزەشكيان.