يران دەلدالدار ارقىلى اقش پرەزيدەنتى دونالد ترامپتىڭ اكىمشىلىگىنە ۆاشينگتونمەن كەلىسىمگە قول جەتكىزگەن سوڭ جەتى كۇن ىشىندە ورمۋز بۇعازىن اشۋ تۋرالى ۇسىنىس جەتكىزدى، دەپ حابارلايدى infohub.kz سايتى.
تەگەراننىڭ ۇسىنىسى تۋرالى يران سىرتقى ىستەر مينيسترلىگىنىڭ باسشىسى ابباس اراگچي ايتتى — ول ونى بىرىككەن ۇلتتار ۇيىمىنىڭ باس اسسامبلەياسى اياسىندا جاريالادى. ۆاشينگتونمەن جاسالاتىن مامىلەنىڭ ناقتى شارتتارى ازىرگە جاريالانباي وتىر. بۇل تۋرالى Bild The New York Times جانە Financial Times باسىلىمدارىنىڭ جاريالانىمدارىنا سىلتەمە جاساپ حابارلايدى.
بۇعان دەيىن يران ءوز اكتيۆتەرىن بۇعاتتان شىعارۋدى، اسكەري قيمىلداردى توقتاتۋدى جانە يراندىق پورتتار مەن كەمەلەرگە سالىنعان امەريكاندىق بلوكادانى الۋدى تالاپ ەتكەن. اق ءۇي دەلدالدار ارقىلى «وڭ جانە سىندارلى كەلىسسوزدەر» ءجۇرىپ جاتقانىن راستادى.
سونىمەن قاتار جاريا تۇردە تاراپتار ءالى دە بىر-بىرىنە قارسى كەسكىلەسكەن ۇستانىمدا. بۇۇ باس اسسامبلەياسىندا ترامپ يراننىڭ الدىندا « ۇلىلىق» پەن «جويىلۋ» اراسىندا تاڭداۋ تۇرعانىن مالىمدەدى، ال يران پرەزيدەنتى ماسۋد پەزەشكيان اقش-تى تەرروريزمگە ايىپتادى.
بۇعان دەيىن ءبىز يران پرەزيدەنتى ماسۋد پەزەشكيان تەگەراننىڭ اقش-پەن حالىقارالىق قۇقىق اياسىندا مامىلە جاساسۋعا ۇمتىلاتىنىن مالىمدەگەنىن جازعان بولاتىنبىز.