يران دەلدالدار ارقىلى امەريكا قۇراما شتاتتارىنا ورمۋز بۇعازىن اشۋعا قاتىستى جاڭا جەتى كۇندىك جوسپارىن رەسمي تۇردە جەتكىزدى. باستامانى يران يسلام رەسپۋبليكاسىنىڭ سىرتقى ىستەر ءمينيسترى ابباس اراكچي جاريالادى، دەپ حابارلايدى infohub.kz سايتى.
«قاجەتتى شارتتار ورىندالسا، بۇعاز قايتا اشىلىپ، قالىپتى كەمە قاتىناسى جەتى كۇن ىشىندە قالپىنا كەلۋى مۇمكىن»، — دەدى يراندىق سىرتقى ساياسي ۆەدومستۆونىڭ باسشىسى.
يران تاراپىنىڭ مالىمدەمەلەرىنە، سونداي-اق The Financial Times پەن The Washington Post جاريالانىمدارىنا قاراعاندا، ۋاقىت ساناعى ۆاشينگتون ۇسىنىلعان مەموراندۋمدى قابىلداعاننان كەيىنگى كۇننەن باستالادى.
بۇعان دەيىن يران امەريكاندىق تاراپ ءبىرقاتار شارتتى ورىنداعان جاعدايدا بۇعازدى جەتىنشى كۇننىڭ سوڭىنا قاراي تولىق اشۋعا دايىن ەكەنى حابارلانعان.
ولاردىڭ ءبىرىنشىسى — سوعىس قيمىلدارىن توقتاتۋ: ايماقتاعى، سونىڭ ىشىندە ليۆانداعى بەلسەندى اسكەري قيمىلداردى تولىق توقتاتۋ.
ەكىنشىسى — بلوكادانى الۋ: اقش تاراپىنان يراندىق پورتتار مەن تانكەرلەرگە سالىنعان اسكەري-تەڭىز بلوكاداسىن توقتاتۋ.
ءۇشىنشىسى — قارجىلىق جەڭىلدىكتەر: يراننىڭ شەتەلدىك بانك اكتيۆتەرىن، كەمىندە 12 ميلليارد دوللار دەپ باعالانعان قاراجاتىن بوساتۋ.
ءتورتىنشىسى — مۇناي سانكسيالارى: يران مۇنايىن ەكسپورتتاۋعا سالىنعان امەريكاندىق شەكتەۋلەردى الىپ تاستاۋ.
بۇعان دەيىن «كۋرسيۆ» اقش پرەزيدەنتى دونالد ترامپ بەيبىت كەلىسىمگە قول جەتكىزىلمەسە، يراندى «جوياتىنىن» ەسكەرتكەنىن جازعان بولاتىن.