يسلام رەۆوليۋسياسىنىڭ ساقشىلار كورپۋسىنىڭ (يرسك) وكىلى حوسەين موحەبي اقش تاراپىنان شابۋىل بولعان جاعدايدا جاڭا نىساندارعا سوققى بەرەتىنىن مالىمدەدى، دەپ حابارلايدى NUR.KZ ربك-عا سىلتەمە جاساپ، ول ءوز كەزەگىندە Fars اگەنتتىگىنە سۇيەنگەن. يران اقش شابۋىلدارى قايتا باستالسا، بۇرىن سوققى تيمەگەن امەريكاندىق نىساندارعا ۇراتىنىن ەسكەرتتى، دەپ جازادى infohub.kz سايتى.
«ءبىزدىڭ نىساندارىمىز دا بۇرىنعىداي بولمايدى. بىزدە ءالى سوققى تيمەگەن جاڭا نىساندار بار»، — دەدى يرسك وكىلى حوسەين موحەبي.
ونىڭ ايتۋىنشا، وزگەرىستەر سوعىس گەوگرافياسىنا، قولدانىلاتىن قارۋ مەن اسكەري تەحنيكاعا قاتىستى بولادى.
«ءبىز جاڭا مۇمكىندىكتەرى بار جاڭا قارۋدى مايدانعا شىعارامىز، الەم تاڭعالادى»، — دەپ قوستى موحەبي.
ەسكە سالايىق، بۇعان دەيىن اقش-تىڭ يرانعا جاڭا شابۋىلى بولسا، قاتاڭ جاۋاپ قايتاراتىنىن «حاتەم ءال-انبيا» ورتالىق شتابىنىڭ قولباسشىلىعى ەسكەرتكەن بولاتىن.
وعان دەيىن اقش پرەزيدەنتى دونالد ترامپ يرانمەن قاقتىعىستا شەشۋشى ءسات تۋعانىن ايتىپ، سوعىستىڭ اياقتالۋى جاقىنداعانىن مالىمدەگەن.