يران پرەزيدەنتى ماسۋد پەزەشكيان بىشكەكتەگى شىۇ سامميتىندە تەگەران اقش ءوز مىندەتتەمەلەرىن ورىنداسا، اتىستى توقتاتۋ تۋرالى مەموراندۋمعا قايتا ورالۋعا دايىن ەكەنىن مالىمدەدى، دەپ حابارلايدى infohub.kz.
«مەن اشىق ايتامىن: اقش اتالعان مەموراندۋم بويىنشا ءوز مىندەتتەمەلەرىن ورىنداۋعا قايتا ورالعان كەزدە، يران بىردەن جاۋاپ قايتارادى»، — دەپ اتاپ ءوتتى يراندىق كوشباسشى.
بۇعان دەيىن اقش ورتالىق قولباسشىلىعىنىڭ (CENTCOM) باسشىسى برەد كۋپەر امەريكاندىق اسكەريلەردىڭ ورمۋز بۇعازىن يران تاراپى قويعان مينالاردان تازارتقانىن مالىمدەگەن ەدى. الدىڭعى كۇنى اقش بۇعازدى ودان ءارى مينالاۋدى بولدىرماۋ ءۇشىن ايماقتاعى يران نىساندارىنا سوققى جاسادى. بۇعان جاۋاپ رەتىندە تەگەران يوردانياداعى امەريكاندىق اسكەري اۋە بازالارىنا شابۋىل جاسادى.
سونىمەن قاتار، يراندىق اسكەريلەر ورمۋز بۇعازىندا رۇقسات ەتىلمەگەن باعىتتا وتۋگە تىرىسقان سۋپەرتانكەر ميناعا سوعىلىپ، ورتەنگەنىن حابارلادى.